გიორგი ჩიქოვანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1988 წელს.

1988-1989წწ. იყო გ. ასათიანის სახელობის თბილისის ფსიქიატრიის ინსტიტუტის ინტერნი; 1989-1990წწ. თბილისის სასწრაფო სამედიცინო დახმარების სამსახურის ფსიქონევროლოგიური ბრიგადის ფსიქიატრი; 1990-1992წწ. ექიმთა დიპლომისშემდგომი განათლების სახელმწიფო სამედიცინო აკადემიის ფსიქიატრიის კურსის უფროსი ლაბორანტი, 1992-1994წწ. ამავე კურსის ასისტენტი, 1994-1997წწ. სწავლობდა რუსეთის დიპლომის შემდგომი განათლების სამედიცინო აკადემიის ფსიქიატრიის კათედრაზე, 1998 წლის მარტიდან ექიმთა დიპლომის შემდგომი განათლების სახელმწიფო სამედიცინო აკადემიის ფსიქიატრიის კურსის ასისტენტი. ავტორია 9 სამეცნიერო ნაშრომისა, რომლებიც ეხება პაროქსიზმულ(პაროქსიზისმაგვარ) ფენომენთა გაჩენას ენდოგენური ფსიქოზების სურათში, რაც მჭიდროდაა დაკავშირებული ფსიქიატრიის ერთ-ერთ უმნიშვნელოვანეს, ე.წ. შიზოეპილეფსიის პრობლემასთან. ფსიქიატრი, მედიცინის მეცნიერებათა კანდიდატი. ექიმთა დიპლომის შემდგომი განათლების სახელმწიფო სამედიცინო აკადემიის ფსიქიატრიის კურსის ასისტენტი.

საკანდიდატო დისერტაციის თემა - "პაროქსიზისმაგვარი მოშლილობანი ენდოგენურ ფსიქიკურ დაავადებათა დროს(ფსიქოპათოლოგია, კლინიკა, პროგნოზი)", დაიცვა 1997 წელს. 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.325