მარინა ჩიქოვანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1973 წელს.

1973-1976წწ. იყო შინაგან სნეულებათა პროპედევტიკის კათედრის ასპირანტი იმუნოლოგიის განხრით; 1977-1995წწ. ჰოსპიტალური პედიატრიის კათედრის ასისტენტი, 1996 წლიდან პედიატრიის №1 კათედრის დოცენტი. ავტორია 38 სამეცნიერო ნაშრომისა, რომლებიც ეხება გულის იშემიური დაავადებებისა და პედიატრიის აქტუალური საკითხების იმუნოლოგიურ შესწავლას. გამოცემული აქვს მეთოდური რეკომენდაციები: "პირველადი იმუნოდეფიციტური უკმარისობა"; "ბრონქული ასთმა". ხელმძღვანელობდა საუნივერსიტეტო და კათედრის სამეცნიერო-პრაქტიკული კონფერენციებისათვის სტუდენტთა მომზადებას. პედიატრი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "ბუნებრივი რეზისტენტობის მაჩვენებლები გულის იშემიური დაავადებების დროს", დაიცვა 1979 წელს. 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.325

• საქართველოს პედიატრიის სამეცნიერო საზოგადოება, წევრი