თეიმურაზ ჩირგაძე

დაბადების ადგილი: ქ. ბორჯომი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1951 წელს.

1951-1957წწ. იყო საბჭოთა არმიის ნაწილის ექიმი, 1957 წლიდან მუშაობდა ს. ვირსალაძის სახელობის ინსტიტუტში, 1957-1959წწ. კლინიკური ორდინატორი, 1960-1963 წლებში ამავე ინსტიტუტის ასპირანტი, 1963-1966წწ. ეპიდემიოლოგიური განყოფილების უმცროსი მეცნიერ-თანამშრომელი, 1966-1972წწ. სწავლული მდივანი, 1972 წელს დიზინტერიის განყოფილების უფროსი მეცნიერ-თანამშრომელი, 1972-1985წწ. სამეცნიერო-სამედიცინო ლაბორატორიის ხელმძღვანელი, 1985-1989წწ. სამედიცინო პარაზიტოლოგიის ლაბორატორიის ხელმძღვანელი, 1989-1992წწ. ინსტიტუტის სამეცნიერო განყოფილების ხელმძღვანელი, 1992-1993წწ. დირექტორის მოადგილე სამეცნიერო დარგში, 1993 წლიდან ს. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევითი  ინსტიტუტის დირექტორი. ავტორია 75 სამეცნიერო ნაშრომისა, რომლებიც ეხება ჰელმინთოზების, მალარიის, ბრუცელოზის, დიზინტერიის და სხვა პარაზიტული დაავადებების ეპიდემიოლოგიის, პათოგენეზის, კლინიკისა და მკურნალობის აქტუალურ საკითხებს. ხელმძღვანელობდა ინსტიტუტის თანამშრომლების სამეცნიერო-პრაქტიკულ მუშაობას. მონაწილეობდა პარაზიტოლოგიისა და ტროპიკოლოგიის სამეცნიერო-პრაქტიკულ საქმიანობაში. ექიმი-ინფექციონისტი. მედიცინის მეცნიერებათა კანდიდატი. გადაღებულია ფილმებში: "არაჩვეულებრივი გამოფენა" (1968), "ცისფერი მთები ანუ დაუჯერებელი ამბავი" (1983), "მე, პელეს ნათლია" (1991), "ექსპრეს-ინფორმაცია" (1993). თბილისში, ვაკის რაიონში მდებარე ქუჩას მისი სახელი მიენიჭა.

საკანდიდატო დისერტაციის თემა - "სტრონგილოიდოზის გავრცელება, კლინიკური დახასიათება და მკურნალობა საქართველოში".

• მედიცინის იტორიკოსთა საზოგადოება, წევრი
• სამედიცინო გეოგრაფიის საზოგადოება, წევრი
• სამედიცინო პარაზიტოლოგიის საზოგადოება, წევრი
• საქართველოს თერაპევტთა საზოგადოება, წევრი
• საქართველოს ეპიდემიოლოგთა საზოგადოება, წევრი
• საქართველოს ინფექციონისტთა საზოგადოება, წევრი
• საქართველოს პროფილაქტიკური მედიცინისა და ადამიანის ეკოლოგიის მეცნიერებათა აკადემია, აკადემიკოსი

• 1997 - ღირსების ორდენი
• 1995 - თბილისის საპატიო მოქალაქე