ზურაბ ჩიჩუა

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულკტეტი 1978 წელს.

1971–1972წწ. იყო თბილისის სისხლის გადასხმის სამსახურის კრიობიოლოგიური ლაბორატორიის პრეპარატორი; 25–ე პოლიკლინიკის მედ. პუნქტის სანიტარი; 1973 წელს თბილისის N4 საავადმყოფოს სანიტარი; 1978 წელს თბილისის N4 პოლიკლინიკის ექიმი - სტომატოლოგი; 1985 წლიდან თბილისის სახელმწიფო სამედიცინო უნივერსიტეტის ქირურგიული სტომატოლოგიის კათედრის ასისტენტი. ავტორია 18 სამეცნიერო ნაშრომის. ეკუთვნის 1 გამოგონება, ერთი საავტორო. სტომატოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "თავისა და კისრის მიდამოში ადგილობრივი ქსოვილებით პლასტიკის დროს გართულებათა პროფილაქტიკა და მკურნალობა ჰიპერბარიული ოქსიგენაციის გამოყენებით", დაიცვა 1985 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.326; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.258

• საქართველოს ყბა–სახის ქირურგთა ასოციაცია, წევრი (1991-)
• სტომატოლოგთა საერთაშორისო ასოციაცია, წევრი (1997-)

• 1999 - ღირსების ორდენი
  ქართული სამედიცინო მეცნიერების განვითარებაში, ახალგაზრდა ექიმ -სპეციალისტთა აღზრდასა და დახელოვნებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის