ტარიელ დუგლაძე

დაბადების ადგილი: დაბა ხარაგაული.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1965 წელს(ჰობოი), 1968 წელს(სადირიჟორო).

1961-1968წწ. იყო ვ. სარაჯიშვილის სახელობის თბილისის სახელმწიფო კონსერვატორიის საოპერო სტუდიის ორკესტრის მუსიკოსი(ჰობოი); 1968 წელს შედგა მისი სადირიჟორო დებიუტი ბერლიოზის "ფანტასტიკური" სიმფონიით; სხვადასხვა დროს იყო სიმფონიური ორკესტრის მთავარი დირიჟორი და სამხატვრო ხელმძღვანელი, მათ შორის 1961-1968წწ., 1973-1974წწ. საქართველოს რადიო-ტელევიზიის სიმფონიური ორკესტრის დირიჟორი, 1969-1970წწ. თბილისის ოპერისა და ბალეტის თეატრის ორკესტრის მუსიკოსი და დირიჟორ-სტაჟიორი, 1970-1974წწ., 1985-1986წწ. ქ. ქუთაისის ოპერის თეატრის მთავარი დირიჟორი; 1974-1975წწ. აფხაზეთის ასსრ სიმფონიური ორკესტრის მთავარი დირიჟორი და სამხატვრო ხელმძღვანელი; 1975-1983წწ. აჭარის ასსრ სიმფონიური ორკესტრის სამხატვრო ხელმძღვანელი და მთავარი დირიჟორი; სხვადასხვა დროს იყო თბილისის I მუსიკალური სასწავლებლის და თბილისის "ნიჭიერთა ათწლედის" პედაგოგი(პარტიტურის კითხვა, დირიჟორობა); 1990-2000წწ. ვ. სარაჯიშვილის სახელობის თბილისის სახელმწიფო კონსერვატორიის სტუდენტთა სიმფონიური ორკესტრის დირიჟორი, პარალელურად ჩასაბერი საკრავების ორკესტრის დირიჟორი; რეპერტუარი, რომელსაც ასრულებდა: საოპერო, სიმფონიური, ვოკალურ-სიმფონიური, ინსტრუმენტული კონცერტები, ბალეტები; სიმფონიური და საოპერო დირიჟორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 155