სონია დუმბაძე

დაბადების ადგილი: სოფელი შემოქმედი, ოზურგეთის რაიონი.

მუსიკალური განათლება მიიღო ოზურგეთის ე. წ. "ბაღის კლასში"; სწავლობდა ფოთის გიმნაზიასა და ქუთაისის წმინდა ნინოს სახელობის სასწავლებელში, სადაც მოსწავლეთა გუნდის სოლისტი იყო; 1919 წელს ჩაირიცხა თბილისის კონსერვატორიაში (ვოკალი); 1923 წელს გადავიდა ბაქოს კონსერვატორიაში, სადაც დაასრულა სწავლა.

სტუდენტურ კონკურსში გამარჯვების შემდეგ გაგზავნეს იტალიაში ვოკალური ხელოვნების დასახვეწად(პედაგოგი დ. პონტი); 1928 წელს მაესტრო სკ. მილიონისთან დაიწყო ხმის დამუშავება; 1937 წელს ცოლად გაჰყვა იტალიელ ბარიტონს, ჯოვანი ბონოს და მასთან ერთად მართავდა კონცერტებს; ეწეოდა პედაგოგიურ მოღვაწეობას, მან აღზარდა მრავალი მომღერალი, ლირიკული სოპრანოები: იტალიელი ვირჯინია ვერგა(ფილეტი), ამერიკელი ეველინ ტომეი-როვერტი), სოპრანოები: რინა კეკი, მარია ჰაუზერი; მის სტუდიაში სწავლობდნენ: ლა-სკალას დირიჟორის დე საბატას ქალიშვილი ლილიანა, ნიუ-იორკის მეტროპოლიტენ ოპერის დირექტორის ქალიშვილი გრაციელა პოლაკო, სოპრანო ოგოტ ლინერი, ტენორი მარიო კატულო, ბარიტონი ჯუზეპე სკალსო; 1963 წელს სამშობლოს ეწვია, დიდი დახმარება გაუწია ვოკალური ფაკულტეტის სტუდენტებს, გ. ბეჟუაშვილს, ნ. გელაშვილს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 156