იური ჩიჩუა

დაბადების ადგილი: სოფელი განახლება, ჩოხატაურის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს.

1947–1951წწ. იყო საქართველოს საკურორტო სამმართველოს კურორტების: მენჯის, გაგრის სანატორიუმის ექიმი–ორდინატორი; 1951–1952წწ. მცხეთის რაიონის საავადმყოფო–პოლიკლინიკური გაერთიანების უბნის თერაპევტი; 1952-1953წწ. ქირურგიისა და ჰემატოლოგიის ინსტიტუტის ასპირანტი; მივლენილი იყო ქ. ლენინგრადის სისხლის გადასხმის სამეცნიერო კვლევით ინსტიტუტში ასპირანტურის კურსის გასავლელად (1953); სწავლის დამთავრების შემდეგ დატოვეს ლენინგრადის იმავე ინსტიტუტში მეცნიერ-მუშაკის თანამდებობაზე (1954-1961); 1961-1969წწ. თბილისის აკად. გრიგოლ მუხაძის სახელობის ჰემატოლოგიისა და სისხლის გადასხმის ინსტიტუტის სისხლის პრეპარატების ლაბორატორიის ხელმძღვანელი; 1969-2007წწ. აქვე კლინიკური განყოფილების უფროსი მეცნიერ–მუშაკი; გავლილი ჰქონდა კურსები: კლინიკურ ჰემატოლოგიასა და ტრანსფუზიოლოგიაში (1989, 1994, 1997); იყო უმაღლესი კატეგორიის ექიმი-ჰემატოლოგი; ხირად ატარებდა საკონსულტაციო-პედაგოგიურ მუშაობას. რესპუბლიკის სისხლის გადასხმის სადგურებიდან მრავალი ექიმი და ლაბორანტი მოამზადა; კითხულობდა ლექციებს და აწარმოებდა კონსულტაციებს. ავტორია 41 სამეცნიერო ნაშრომისა. ჰემატოლოგ–ტრანსფუზიოლოგი, მედიცინის მეცნიერებათა კანდიდატი. დაჯილდოებული იყო მრავალი მედლითა და სიგელით.

საკანდიდატო დისერტაციის თემა - " სპექტრული ანალიზის გამოყენება რკინისა და სპილენძის განსაზღვრისათვის სისხლში ზოგიერთი დაავადების დროს", დაიცვა 1961 წელს, ქ. ლენინგრადი; 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.316

• საქართველოს ჰემატოლოგთა და ტრანსფუზიოლოგთა საზოგადოება, წევრი

• 2003 - ღირსების ორდენი