ირინე ებრალიძე

დაბადების ადგილი: ქ. ბაქო.

დაამთავრა თბილისის II მუსიკალური სასწავლებელი 1980 წელს(თეორიული განყოფილება), ვანო სარაჯიშვილის სახელობის თბილისის სახელმწიფო კონსერვატორია 1986 წელს(მუსიკის ისტორია).

1993-1994წწ. იყო რადიოსადგურის "რადიო 105" მუსიკალური წამყვანი; 1997-1999წწ. ქართულ-ამერიკული კომპანია "რადიო საქართველო", რადიოსადგური "ფორტუნა", მუსიკალური რედაქტორი, მუსიკალური წამყვანი; 1999-2001წწ. ქართულ-ამერიკული კომპანია "რადიო საქართველო", რადიოსადგური "ფორტუნა" პროგრამების მენეჯერი; 1986-2006წწ. იყო თბილისის II მუსიკალური სასწავლებლის ჯაზისა და საესტრადო ხელოვნების განყოფილების პედაგოგი; 2006-2009წწ. თბილისის მუსიკალური კოლეჯის დირექტორის მოადგილე სასწავლო დარგში; 2009 წლიდან ილიას სახელმწიფო უნივერსიტეტის მუსიკალური ცენტრის ლექტორი, თანამედროვე პოპულარული მუსიკალური მიმდინარეობების მიმართულების ხელმძღვანელი; 2015 წლიდან ასოცირებული პროფესორი; მუსიკისმცოდნე, ესტრადისა და ჯაზის მომღერალი; ესტრადის მომღერალი, სიმღერების ავტორი იოსებ(სოსო) ებრალიძის შვილი. მუსიკის მეცნიერებათა დოქტორი.

სადოქტორო დისერტაციის თემა - "ქართული ფოლკლორი და ეთნოჯაზი"(საკომპოზიტორო-საშემსრულებლო პორტფოლიო წერითი კომენტარით), დაიცვა 2015 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 158

• საქართველოს კომპოზიტორთა კავშირი, წევრი