ბადრი ჩლაიძე

დაბადების ადგილი: სოფელი გომი, სამტრედიის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1973-1977წწ. მუშაობდა გორის რაიონულ საავადმყოფოში; 1977 წლიდან იყო კანისა და ვენერიულ სნეულებათა სამეცნიერო-კვლევითი ინსტიტუტის უმცროსი მეცნიერ-თანამშრომრლი, განყოფილების გამგე, დირექტორის მოადგილე სამეცნიერო დარგში, 1989 წლიდან ინსტიტუტის დირექტორი. ავტორია 54 სამეცნიერო ნაშრომისა დაავადებათა ეპიდემიოლოგიის, პათოგენეზის შესწავლისა და მკურნალობის ახალ მეთოდზე. გამოქვეყნებული აქვს ორი მონოგრაფია: "სიფილისის პროფილაქტიკა, დიაგნოსტიკა, მკურნალობა"(1992), "სიფილისის დიაგნოსტიკის, მკურნალობის და პროფილაქტიკის თანამედროვე მეთოდები"(1998). მისი ხელმძღვანელობით დაცულია 15 საკანდიდატო დისერტაცია. დერმატო-ვენეროლოგი. მედიცინის მეცნიერებათა კანდიდატი.

საკანდიდატო დისერტაციის თემა - "სიფილისის პათოგენეზის საკითხები და მისი მკურნალობის პრინციპები".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.328

• მედიცინის მუშაკთა დაცვის ასოციაცია, წევრი
• საქართველოს დერმატო-ვენეროლოგთა საზოგადოება, წევრი