თამაზ ჩხიკვაძე

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1973-1974წწ. მუშაობდა რუსთავის მეტალურგიული ქარხნის მედ. სან. ნაწილიში; 1974-1981წწ. ქალაქის საავადმყოფოს სასწრაფო-სამედიცინო დახმარების ქორურგიულ განყოფილებაში, თბილისის №2 კლინიკური საავადმყოფოს ქირურგიულ განყოფილებაში ორდინატორად; 1983 წლიდან იყო სამკურნალო ფაკულტეტის ზოგადი ქირურგიის კათედრის ასისტენტი; 1998 წლიდან თბილისის სახელმწიფო სამედიცინო უნივერსიტეტის №1 სამკურნალო ფაკულტეტის ზოგადი ქირურგიის კათედრის გამგე. არის 67 სამეცნიერო ნაშრომის ავტორი. ქირურგი, მედიცინის მეცნიერებათა დოქტორი.

საკანდიდატო დისერტაციის თემა - "ჰემორბაციის გამოყენება ხანგრძლივი ხელოვნური სისხლის მიმოქცევის დროს", დაიცვა 1981 წელს; სადოქტორო დისერტაციის თემა - "ახალი ანტიმიკრობული საკერი მასალის "ამიცელონი" და ელასტიური პოლიურეთანის ძაფის გამოყენების ექსპერიმენტულ-კლინიკური დასაბუთება კუჭ-ნაწლავის ტრაქტის ქირურგიაში", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.333; წიგნი ღირსებისა: ტ. 5./ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.78

• 2000 - ღირსების ორდენი