ოთარ ეგაძე

დაბადების ადგილი: სოფელი ტირძნისი, გორის რაიონი.

დაამთავრა ლენინგრადის ჟურნალისტიკის ინსტიტუტი 1939 წელს.

იყო გაზეთ "კომუნისტის" და "ახალგაზრდა კომუნისტის" საკუთარი კორესპონდენტი ლენინგრადში; 1940 წელს სწავლობდა საქართველოს კომუნისტური პარტიის ცენტრალურ კომიტეტთან არსებულ უმაღლეს პარტიულ სკოლაში; 1941-1943წწ. მონაწილეობდა მეორე მსოფლიო ომში; 1943 წელს საქართველოს სსრ ცენტრალური კომიტეტის ბეჭვდითი სიტყვის სექციის გამგე; 1944-1945წწ. საქართველოს სსრ სახალხო კომისართა საბჭოსთან არსებული ხელოვნების მთავარი სამმართველოს უფროსი; 1945 წლიდან მარქსიზმ-ლენინიზმის ინსტიტუტის მარქსიზმის კლასიკოსთა თარგმნის განყოფილების გამგე; 1949-1951წწ. გაზეთ "Правда"-ს კორესპონდენტი საქართველოში; 1951-1953წწ. საქართველოს სსრ კინემატოგრაფიის მინისტრი; 1953 წელს გაზეთ "Заря Востока"-ს რედაქტორი, 1953-1973წწ. ჟურნალ "საბჭოთა ხელოვნების" რედაქტორი; 1973 წლიდან სიცოცხლის ბოლომდე გამომცემლობა "ხელოვნების" დირექტორი. ლიბრეტისტი, ხელოვნების კრიტიკოსი. დაიმსახურა "სამამულო ომის II ხარისხის" ორდენი და მრავალი მედალი, მათ შორის: "ლენინგრადის დაცვისათვის", "გერმანიაზე გამარჯვებისათვის", შრომის ვეტერანი და სხვა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 159; ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 37-38

• 1963 - საქართველოს ხელოვნების დამსახურებული მოღვაწე

• ვინა ხარ შენ, И. Сталин?! : დოკუმენტური პოლიტიკური რომანი ტრილოგიის II ნაწილი (ავტორი). - თბილისი, მერანი, 1991. - 910გვ.
• დღენი ჩვენი ბრძოლებისა : პოლიტ. რომანი (ავტორი). - თბილისი, მერანი, 1988. - 766გვ.
• მოთხრობები, ნოველები, ესეები (ავტორი). - თბილისი, ხელოვნება, 1986. - 374გვ.
• თანამედროვეობის მხარდამხარ : წერილები ქართულ თეატრზე (ავტორი). - თბილისი, 1981. - 257გვ.
• თეატრში და თეატრის მიღმა (ავტორი). - თბილისი, ხელოვნება, 1969. - 476გვ.