ალექსანდრე ცალუღელაშვილი

დაბადების ადგილი: სოფელი ზარიმგები, თიანეთის რაიონი.

დაამთავრა ხაბაროვსკის სახელმწიფო სამედიცინო ინსტიტუტის სამკურნალო ფაკულტეტი 1971 წელს.

1971–1973წწ. იყო ქ. ვიაზიმსკის ქირურგი–ორდინატორი; 1973–1977წწ. საოლქთაშორისო ჰოსპიტლის განყოფილების უფროსი; 1978–1980წწ. ონკოლოგიის სამეცნიერო ცენტრის თორაკალური განყოფილების ექიმი–ორდინატორი; 1980–1982წწ. თორაკო–აბდომინალური განყოფილების გამგე; 1985 წლიდან ხელმძღვანელობს ამავე განყოფილების სამეცნიერო ჯგუფს, 1997 წლიდან - აბდომინალური კლინიკის ხელმძღვანელი. ავტორია 100–მდე სამეცნიერო ნაშრომის, გამოქვეყნებული აქვს მონოგრაფიები. ქირურგი, ონკოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ღვიძლის და ელენთის მორფოფუნქციონალური დამოკიდებულება", დაიცვა 1980 წელს.

სადოქტორო დისერტაციის თემა - "საყლაპავისა და კუჭის პროქსიმალური ნაწილის კიბოთი დაავადებულ ავადმყოფთა ოპერაციამდე და ოპერაციის შემდგომ პერიოდში არსებული დარღვევების პროფილაქტიკა და  პათოგენეზური კორექცია", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.335; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.101

• ამერიკის ქირურგთა ასოციაცია, წევრი
• საქართველოს ონკოლოგთა სამეცნიერო საზოგადოება, წევრი
• საქართველოს ქირურგთა საზოგადოება, წევრი

• 2003 - ღირსების ორდენი
• 1998 - საქართველოს სახელმწიფო პრემია , მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1982-1994 წლებში გამოქვეყნებულ შრომათა ციკლისათვის - "რეკონსტრუქციულ - აღდგენითი ოპერაციები ონკოლოგიაში"