სერგო ევლახიშვილი

დაბადების ადგილი: ქ. თბილისი.

დაამთავრა მოსკოვის ბ. შჩუკინის სახელობის თეატრალური სასწავლებელი, ლენინგრადის ა. ოსტროვსკის სახელობის სახელმწიფო თეატრალური ინსტიტუტი 1950 წელს.

1954 წელს იყო მოსკოვის კომისარჟევსკაიას სახელობის თეატრის რეჟისორი და მსახიობი; 1960-1968წწ. საქართველოს ტელესტუდიის მთავარი რეჟისორი; 1987 წლამდე მოსკოვის ცენტრალური ტელევიზიის რეჟისორი; 1987-2004წწ. ტელევიზიისა და რადიომაუწყებლობის მუშაკთა კვალიფიკაციის ამაღლების ინსტიტუტის საეკრანო ხელოვნების კათედრის გამგე; სსრკ-ში პირველი ტელეოპერა "გამზრდელის" რეჟისორი(ა. წერეთლის მიხედვით, კომპოზიტორი ნ. გიგაური, დირიჟორი ლ. კილაძე, მუსიკალური რედაქტორი ს. ლაფაური), სატელევიზიო ფილმი-ბალეტი "ჰამლეტი"-ს რეჟისორი(1969, კომპოზიტორი დ. შოსტაკოვიჩი).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 160

• 1967 - სსრკ ხელოვნების დამსახურებული მოღვაწე
• 1960 - სსრკ პირველი ხარისხის დიპლომი, ტელეოპერა "გამზრდელი" რეჟისურისათვის