მალხაზ ერქვანიძე

დაბადების ადგილი: სოფელი კულაში, სამტრედიის რაიონი.

დაამთავრა თბილისის III მუსიკალური სასწავლებელი 1982 წელს (თეორიული), ვანო სარაჯიშვილის სახელობის თბილისის სახელმწიფო კონსერვატორია 1990 წელს(ქართული მუსიკის ფოლკლორი).

დააარსა და ხელმძღვანელობდა: "ანჩისხატის ტაძრის მგალობელთა გუნდი", "მამადავითის ტაძრის მგალობელთა გუნდი", ფოლკლორული ანსამბლი "სახიობა"; გასტროლებით შემოიარა: აშშ, ინგლისი, საფრანგეთი, ავსტრია, გერმანია, პოლონეთი ("ანჩისხატის ტაძრის მგალობელთა გუნდთან" ერთად); ეთნომუსიკოლოგი, ლოტბარი, ხალხური სიმღერებისა და საგალობლების ცნობილი შემსრულებელი, შემკრები, გამომცემელი, ფოლკლორული ექსპედიციების ორგანიზატორი,

ხელოვნებათმცოდნეობის კანდიდატი, სოციალურ მეცნიერებათა დოქტორი.

საკანდიდატო დისერტაციის თემა - "ქართული საგალობლების ნოტებზე გადაღების ისტორია და ქართული მუსიკალური სისტემა".

სადოქტორო დისერტაციის თემა - "ქართული საეკლესიო გალობის გადაღების ისტორია და ქართული სამუსიკო სისტემა", დაიცვა 2014 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 165

• საქართველოს კომპოზიტორთა კავშირი, წევრი