ვახტანგ ცინცაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1954 წელს.

1954–1958წწ. იყო ტყიბულის რაი–საავადმყოფოს ქირურგიული განყოფილების ქირურგი–ორდინატორი; 1958–1961წწ. ექიმთა დახელოვნების თბილისის სახელმწიფო ინსტიტუტის ასპირანტი; 1963–1964წწ. თბილისის N17 პოლიკლინიკის ექიმი–უროლოგი; 1964 წლიდან არის ექიმთა დახელოვნების ინსტიტუტის უროლოგიის კათედრის ასისტენტი, პროფესორი (1985). ავტორია 45 სამეცნიერო ნაშრომის, 10 მათგანი წაკითხულია საზოგადოებათა სხდომებზე. უროლოგი, მედიცინის მეცნიერებათა დოქტორი.

საკანდიდატო დისერტაციის თემა - "სასმელი წყლის მნიშვნელობის შესახებ თირკმლის კენჭოვანი დაავადების ეტიოლოგიასა და პათოგენეზში", დაიცვა 1963 წელს.

სადოქტორო დისერტაციის თემა - "გარეგანი ფაქტორების მნიშვნელობის შესახებ თირკმლის კენჭოვანი დაავადების განვითარებაში", დაიცვა 1981 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.338