არტემ ერქომაიშვილი

დაბადების ადგილი: სოფელი მაკვანეთი, ოზურგეთის რაიონი.

ბავშვობიდანვე დაეუფლა გურული სიმღერების შესრულებას; 1908 წელს მან მელქისედეკ ნაკაშიძესთან დაიწყო საგალობლების შესწავლა; ნაკაშიძისგან 1911 წლამდე 2000-მდე საგალობელი ისწავლა, რომელიც 1966 წელს მაგნიტოფონზე ჩაწერა კომპოზიტორმა და ფოლკლორისტმა კახი როსებაშვილმა, 2002 წელს კი ნოტებზე გადაიღო დავით შუღლიაშვილმა; 1911 წელს სენაკში გააგზავნეს მგალობლად და გალობის მასწავლებლად; 1924 წლიდან ხელმძღვანელობდა ხალხურ გუნდებს მაკვანეთში, ბათუმში, ოზურგეთში; მართავდა კონცერტებს საქართველოსა და სსრკ ქალაქებში; 1929 წელს მისმა გუნდმა კონცერტები გამართა მოსკოვსა და ლენინგრადში, სადაც სპეციალისტთა დიდი მოწონება დაიმსახურა; გუნდის რეპერტუარის თვალსაჩინო ნიმუშები ჩაიწერეს ფონოგრაფზე და ინახება სსრკ მეცნიერებათა აკადემიის ფონოგრამარქივში; 1950 წლიდან იყო ქ. მახარაძის კულტ-სახლის სიმღერისა და ცეკვის ანსამბლის ხელმძღვანელი; მისი საავტორო სიმღრებია: "დიდი ხნიდან გაგიცანი", "ბაღია ჩვენი ქვეყანა"; თავის თაობაში იყო ქართული სასულიერო გალობის უკანასკნელი შემსრულებელი; თბილისის სახელმწიფო კონსერვატორიის ფოლკლორის კათედრის ლაბორატორიაში ინახება ორი მაგნიტოფონის მეშვეობით მის მიერ 3 ხმაში შესრულებული 108-მდე საგალობლის ჩანაწერი, ძირითადად ამ მასალაზე დაყრდნობით შეგვინარჩუნდა ქართული გალობის "შემოქმედის სამგალობლო სკოლის" ნიმუშები; თვითნასწავლი კომპოზიტორი, ლოტბარი, სრული მგალობელი, ძირითადად ბანი. საქართველოს სახალხო არტისტის ანზორ ერქომაიშვილის ბაბუა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 166

• 1951 - საქართველოს ხელოვნების დამსახურებული მოღვაწე