ლადიკო ერქომაიშვილი

დაბადების ადგილი: სოფელი მაკვანეთი, ოზურგეთის რაიონი.

მოღვაწეობა დაიწყო არტემ ერქომაიშვილის გუნდში; თავდაპირველად, 1921-1927წწ. სიმღერებს ასწავლიდა გოგიეთში, გურიანთაში, ნატანებში, ახალსოფელში, რამაც ხალხში პოპულარობა მოუპოვა; პარალელურად ქალაქ ბათუმში ჯერ მელიტონ კუხიანიძესთან მღეროდა კაპელაში, ხოლო შემდეგ ძმის, არტემის; 1935 წლიდან ოზურგეთში სოფელ მაკვანეთის საკოლმეურნეო გუნდს ხელმძღვანელობდა, სარაიონო და საქალაქო ოლიმპიადებზე ამ გუნდმა დიდი წარმატება მოიპოვა; იყო მახარაძის რაიონული კულტსახლის ინსტრუქტორი მუსიკის დარგში, აქ ჩამოაყალიბა მრავალრიცხოვანი გუნდი და მეჩონგურე-მეფანდურეთა ანსამბლი, რომელმაც დიდ წარმატებას მიაღწია რაიონულ ოლიმპიადებზე; ჩამოაყალიბა გუნდები ანასეულში, ექადიაში, ლიხაურში, დვაბზუში, ძაფსახვევ ქარხანაში, ჩაის ტექნიკუმში, პიონერთა კლუბში; სამამულო ომის პერიოდში კონცერტებს მართავდა სამხედრო ნაწილებსა და ჰოსპიტლებში; 1949 წელს სოფელ შრომაში შექმნა გუნდი, რომელშიც სოციალისტური შრომის გმირი ექვსი ქალი მონაწილეობდა; 1968 წლიდან იყო ქ. მახარაძის რაიონის ხალხური სიმღერა-გალობის სკოლის პედაგოგი; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 166; qwelly.com

• 1951 - საქართველოს ხელოვნების დამსახურებული მოღვაწე