გიორგი ცუცქირიძე

დაბადების ადგილი: ქ. ჭიათურა.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1967 წელს.

1967–1970წწ. იყო ყაზახეთის სსრ–ში (კუსტანაის ოლქი) ორჯონიკიძის რაიონის ქირურგი; 1970-1973წწ. თბილისის სახელმწიფო სამედიცინო ინსტიტუტის სამკურნალო ფაკულტეტის საფაკულტეტო ქირურგიის კათედრის ასპირანტი; 1974–1979წწ. ამიერკავკასიის რკინიგზის ცენტრალური კლინიკური საავადმყოფოს ქირურგი–ორდინატორი; 1979–1995წწ. სამკურნალო ფაკულტეტის საფაკულტეტო ქირურგიის კათედრის ასისტენტი; 1995 წლიდან ამავე კათედრის დოცენტი. ავტორია 32 სამეცნიერო ნაშრომის, ხელმძღვანელობს სტუდენტთა სამეცნიერო წრეს. ქირურგი, მედიცინის მეცნიერებათა კანდიდატი.

საკანდიდატო დისერტაციის თემა - "ქირურგიის ტაქტიკა მწვავე ქოლეცისტიტის დროს", დაიცვა 1974 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.341

• თბილისის ქირურგთა სამეცნიერო საზოგადოება, წევრი

• 1970 - მედალი "ვ. ი. ლენინის დაბადებიდან 100 წლისთავის გამო"