ნოდარ ვარშანიძე

დაბადების ადგილი: სოფელი ზუნდაგა, ქედის რაიონი.

დაამთავრა ქ. ბათუმის მუსიკალური სასწავლებელი 1976 წელს, ამავე წელს ბათუმის პედაგოგიური ინსტიტუტი(მათემატიკა), ვანო სარაჯიშვილის სახელობის თბილისის სახელმწიფო კონსერვატორია 1982 წელს(ვოკალური).

1980 წლიდან იყო ქ. ბათუმის კამერული გუნდის მომღერალი(ტენორი); 1982 წლიდან თბილისის "კამერატა"-ს სოლისტი; 1983 წლიდან ვ. სარაჯიშვილის სახელობის თბილისის სახელმწიფო კონსერვატორიის საოპერო სტუდიის სოლისტი; 1984-1987წწ. საქართველოს მუსიკალური და ქორეოგრაფიული საზოგადოების კამერული გუნდის მომღერალი; 1991 წლიდან თბილისის ექსპერიმენტული მუსიკალური სკოლის ილუსტრატორი; 1995 წლიდან ბათუმის ოპერის თეატრის წამყვანი სოლისტი, ამავე წლიდან ბათუმის ხელოვნების ინსტიტუტის პრორექტორი, 1997 წლიდან დოცენტი, 1998 წლიდან მუსიკალურ დისციპლინათა კათედრის გამგე; 2000 წლიდან ბათუმის კონსერვატორიის პედაგოგი, დოცენტი, ბათუმის მუსიკალური კოლეჯის ვოკალური განყოფილების გამგე; 2006-2009წწ. ბათუმის კონსერვატორია-უნივერსიტეტის აკადემიის სიმღერის დეპარტამენტის პედაგოგი, 2006 წლიდან სრული პროფესორი; რეპერტუარი: თანდარუხი (ზ. ფალიაშვილი "აბესალომ და ეთერი"), კოტე (ვ. დოლიძე "ქეთო და კოტე"), მამალი (ი. გოკიელი "წითელქუდა"); კანტატა-ორატორია: ტენორის პარტია შ. შილაკაძე კანტატა "სიყვარულის ფურცლები" (1984, პირველი შესრულება), ნ. გუდიაშვილი კანტატა "რწმენა"; ქართული რომანსები; სხვა რეპერტუარი: კასიო (ვერდი "ოტელო").

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 172; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.206

• 2001 - ღირსების ორდენი
• 2000 - ტბელ აბუსერისძის სახელობის პრემია
• 1998 - მემედ აბაშიძის სახელობის პრემია
• საქართველოს დამსახურებული არტისტი