თამაზ ვაშაკიძე

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1979 წელს, სანქტ-პეტერბურგის კონსერვატორია 1993 წელს (საბალეტმაისტერო).

1979-1989წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი; 1989-1992წწ. მოსკოვის ვ. გორდეევის თეატრის "Русский балет" სოლისტი; 1992 წელს თბილისის ოპერისა და ბალეტის თეატრის დირექტორი, 1993 წლიდან თბილისის ქორეოგრაფიული სასწავლებლის სამხატვრო ხელმძღვანელი, 2001 წლიდან დირექტორი; 1999 წელს თბილისში დააარსა "თანამედროვე ცეკვის თეატრი", 2001 წელს დააარსა საერთაშორისო კონკურსი-ფესტივალი "ჭაბუკიანი-ბალანჩინი", 2002 წელს ფონდი "ჭაბუკიანი-ბალანჩინი"; 2006 წლიდან იყო ეკატერინბურგის სახელმწიფო ოპერისა და ბალეტის თეატრის დამდგმელი რეჟისორი; 2010 წლიდან "Российский государственный цирк" დამდგმელი რეჟისორი; 2010 წლიდან რუსეთის თეატრალურ მოღვაწეთა კავშირის წევრი; რამდენიმე წლის მანძილზე იყო თბილისის შ. რუსთაველის სახელობის, კ. მარჯანიშვილის სახელობის ა. გრიბოედოვის სახელობის თეატრებში ბალეტმაისტერი; რეპერტუარი, ქართული: მამია (დ. თორაძე "გორდა"), კრაუნი(გერშვინ-ოძელი "პორგი და ბესი", მ. ლავროვსკის ქორეოგრაფია), ფიროსმანი (ს. ნასიძე "ფიროსმანი"),ბელადი(ვ. კახიძე "ამორძალები"); სხვა რეპერტუარი: ალბერტი (ადანი "ჟიზელი"), რომეო, პრინცი (ჩაიკოვსკი "რომეო და ჟულიეტა", "მძინარე მზეთუნახავი"), ჭაბუკი (ბალანჩინი "სერენადა"), ბაზილი (მინკუსი "დონ კიხოტი"), შაჰრიარი (ამიროვი "ათასერთი ღამე"), ჭაბუკი(შოპენი "შოპენიანა"), ტიბალტი (პროკოფიევი "რომეო და ჯულიეტა"); მისი დადგმები: მოსკოვი (2005), ეკატერინბურგი (2006), ი. შტრაუსი "დიდი ვალსი", "ანბანი", "დილის საარი", "მატა ხარი", "მრავალხმიანობა", მოსკოვის გორდეევის თეატრი: "ადაჟიეტო", "მაკნატუნა", "დიდი ვალსი"; გასტროლები: ქ. კანი, ნიუ-იორკი; მიღებული აქვს ნიუ-იორკის ფესტივალის დიპლომი, პრიზი "ოდეონი", არის ქალაქ კანის ფესტივალის ლაურეატი. ბალეტის მოცეკვავე, დამდგმელი ბალეტმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 172; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.220

• 2001 - ღირსების ორდენი
• 1989 - საქართველოს დამსახურებული არტისტი