ვარლამ ვაშალომიძე

დაბადების ადგილი: სოფელი ვანისქედი, ოზურგეთის რაიონი.

სიმღერა ისწავლა ოჯახში; 1925 წლიდან ამეცადინებდა სასოფლო გუნდს; 1928 წელს ვარლამ სიმონიშვილმა ის მიიწვია ეთნოგრაფიულ ანსამბლში, რომელიც 1934 წელს წარმატებით გამოვიდა თბილისში გამართულ ამიერკავკასიის ხალხთა ოლიმპიადაზე; 1934 წლიდან ვარლამი სათავეში ედგა სოფელ მთისპირის საკოლმეურნეო გუნდს; 1937 წელს მან მონაწილეობა მიიღო მოსკოვში გამართულ ქართული ლიტერატურისა და ხელოვნების დეკადაზე კირილე პაჭკორიას გუნდში; 1957 წლიდან მღეროდა ვლადიმერ ერქომაიშვილის ანსამბლ "შვიდკაცა"-ში; 1963 წლიდან კი მისი ინიციატივით ჩამოყალიბდა უხუცეს გურულ მომღერალთა ანსამბლი "დილა", რომელსაც თავადვე ჩაუდგა სათავეში; ვარლამ ვაშალომიძე მღეროდა მაღალ ხმას, როგორც ანსამბლურ, ასევე ტრიოთი შესასრულებელ სიმღერებში; გურული ხალხური სიმღერების შემსრულებელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 173

• 1980 - საქართველოს კულტურის დამსახურებული მოღვაწე