ვლადიმერ ქოიავა

დაბადების ადგილი:  ქ. აბაშა. 1943 წ. დაამთავრა აბაშის #1 საშუალო სკოლა.

დაამთავრა თბილისის სახელმწიფო უნივერსიტეტის გეგრაფია-გეოლოგიის ფაკულტეტი გეოლოგიის სპეციალობით 1949 წელს.

1953-2009წწ. ეწეოდა ნაყოფიერ სამეცნიერო და პედაგოგიურ საქმიანობას; კითხულობდა ლექციების კურს გეოლოგიური სპეციალობის სტუდენტებისთვის: მინერალოგიაში, კრისტალოგრაფიაში, ეკზოგენიური საბადოების გეოლოგიაში, ფაციესებსა და ფორმაციებში, გეოქიმიაში, საქართველოს არამეტალურ საბადოებში, საქართველოს დანალექ ფორმაციებში, ლითოლოგიაში; გეოგრაფიული სპეციალობის სტუდენტებისთვის: საქართველოს მინერალურ რესურსებში; გეოფიზიკური სპეციალობის სტუდენტებისთვის: სასარგებლო ნამარხთა საბადოების გეოლოგიაში, საქართველოს არამეტალური საბადოებში და ეკზოგენური საბადოების გეოლოგიაში; ქიმიკოსებისთვის - ლითოლოგიაში. 55 წლის განმავლობაში ხელმძღვანელობდა სტუდენტთა სასწავლო საველე პრაქტიკას გეოლოგიაში. საკანდიდატო დისერტაცია დაიცვა 1955 წელს, 1992 წელს მიენიჭა პროფესორის წოდება დაცვის გარეშე. პედაგოგიურ საქმიანობასთან ერთად ეწეოდა სამეცნიერო-კვლევით მუშაობას, გამოქვეყნებული აქვს 37 სამეცნიერო შრომა და ორი სახელმძღვანელო.

• 1987 - შრომის ვეტერანის მედალი
• 1976 - ივანე ჯავახიშვილის სახელობის მედალი

• მინერალოგია : სახელმძღვ. უმაღლ. სასწ. გეოლ. სპეც. სტუდ. (რედაქტორი). - თბილისი, თბილ. უნ-ტის გამ-ბა, 2010. - 630გვ.
• ლითოლოგია : სახელმძღვ. გეოლოგიის სპეც. სტუდენტებისათვის (ავტორი). - თბილისი, თბილ. უნ-ტის გამ-ბა, 1988. - 590გვ.
• ზოგადი გეოქიმიის მოკლე კურსი : სახელმძღვ. უნ-ტის გეოგრაფია-გეოლოგიის ფაკ-ტის სტუდენტებისათვის (თანაავტორი). - თბილისი, თბილ. უნ-ტის გამ-ბა, 1972. - 295გვ.