შერმაზან ყაყიჩაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1959 წელს.

1960-1963წწ. მუშაობდა აბასთუმნის ასტროფიზიკური ობსერვატორიის მეცნიერ-თანამშრომლად; 1963 წლიდან ხელმძღვანელობდა საქართველოს მეცნიერებათა აკადემიის, კიბიერნეტიკის ინსტიტუტის ოპტიკური კვლევების ლაბორატორიას, სადაც მისი თაოსნობით შეიქმნა პირველი წრიული ჰოლოგრამა; 1963-1999წწ. სსრკ კიბერნეტიკის ინსტიტუტის ოპტიკურ კვლევათა განყოფილების ლაბორატორიის ხელმძღვანელი; საკანდიდატო დისერტაცია ფიზიკა-მათემატიკურ მეცნიერებაში დაიცვა 1975 წელს, კიევის ფიზიკის ინტიტუტში; 1982 წელს სანქტ-პეტერბურგის, ვავილოვის სახელობის ფიზიკის ინსტიტუტში მიენიჭა ფიზიკა-მათემატიკურ მეცნიერებათა დოქტორის აკადემიური ხარისხი, ხოლო 1986 მეცნიერს მიენიჭა პროფესორის წოდება. აქვს მინიჭებული გამომგონებლის სტატუსი(1979). იგი ითვლება პოლარიზაციული ჰოლოგრაფიის ფუძემდებლად; პირველმა შექმნა წრიული ჰოლოგრამა, რომელზეც თავისი თავი ასახა; დიდი წვლილი მიუძღვის ჰოლოგრაფიის განვითარებაში. არის 250-მდე სტატიისა და 22 გამოგონების ავტორი; ეწეოდა პედაგიგიურ საქმიანობას, როგორც თბილისის სახელმწიფო უნივერსიტეტში, ასევე შუა აზიის ქვეყნებშიც. მის მიერ შექმნილი ჰოლოგრამები გამოფენილ იყო მრავალ საერთაშორისო გამოფენაზე, მათ შორის: საფრანგეთში, რუსეთში, ჩეხეთში, ავსტრიაში, ირანში ვიეტნამში, სირიაში, ესპანეთში, პარიზის ჰოლოგრაფიის მუზეუმის მუდმივმოქმედ ექსპოზიციაზეც.