მიხეილ ჭელიშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1962 წელს.

1962–1966წწ. იყო ტყვარჩელის კვეზანის საავადმყოფოს ქირურგი-ორდინატორი; 1966–1969წწ. - კლინიკური და ექსპერიმენტული ნევროლოგიის ნეიროქირურგიული განყოფილების ასპირანტი; 1969–1980წწ. - ამავე განყოფილების მეცნიერ-თანამშრომელი; 1980 წლიდან - ექსპერიმენტული და კლინიკური ქირურგიის სამეცნიერო კვლევითი ინსტიტუტის ნეიროქირურგიული განყოფილების გამგე. ავტორია 76 სამეცნიერო ნაშრომის. მისი ხელმძღვანელობით დაცულია 5 საკანდიდატო დისერტაცია. ექიმი-ნეიროქირურგი, მედიცინის მეცნიერებათა დოქტორი (1994).

საკანდიდატო დისერტაციის თემა - "ტვინის დისლოკაცია და კლინიკური, ელექტრო და რეოენცეფალოგრაფიულ გამოვლინებათა დინამიკა მასიური დეჰიდრატაციის გავლენით სუპრატენტორიული სიმსივნეების დროს", დაიცვა 1971 წელს; სადოქტორო დისერტაციის თემა - "კონსტრუქციული მიკროსისხლძარღვოვანი ოპერაციების გამოყენება თავის ტვინის სხვადასხვა ფორმების იშემიური დაზიანების დროს", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.349; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.389

• ევროპის ნეიროქირურგთა ასოციაცია, წევრი
• მსოფლიოს ნეიროქირურგთა ასოციაცია, წევრი