ვახტანგ ვრონსკი-ნადირაძე

დაბადების ადგილი: ქ. თბილისი.

დაამთავრა თბილისის საბალეტო სკოლა 1923 წელს.

1923-1925წწ. იყო როსტოვის მუსიკალური კომედიის თეატრის მსახიობი; 1926-1932წწ., 1937-1940წწ. ბაქოს, 1932-1937წწ. სარატოვის, 1940-1954წწ. ოდესის, 1954-1969წწ. კიევის ოპერისა და ბალეტის თეატრების ბალეტმაისტერი, პარალელურად 1960-1973წწ. უკრაინული "ბალეტი ყინულზე" სახელმწიფო ანსამბლის სამხატვრო ხელმძღვანელი; 1978-1979წწ. მოსკოვის "ბალეტი ყინულზე" სამხატვრო ხელმძღვანელი და მთავარი ბალეტმაისტერი; 1985-1986წწ. კიევის კლასიკური საბალეტო თეატრის ხელმძღვანელი; ქართული დადგმები: ზ. ფალიაშვილი "დაისი" (ა. წუწუნავასთან ერთად); სხვა დადგმები: ბადალბეილი "ქალწულის კოშკი", დანკევიჩი "ლილეა", რუსინოვი "ოლესია", იარულინი "შურალე", ჟუკოვსკი "როსტისლავა", პროკოფიევი "რომეო და ჯულიეტა", ხაჩატურიანი "სპარტაკი"; ბალეტები ყინულზე: "გაზაფხულის ზღაპარი", "60 წუთი დედამიწის გარშემო"; რეპერტუარი: პრინცი(ჩაიკოვსკი "გედების ტბა"), ვაცლავი (ასაფიევი "ბახჩისარაის შადრევანი"), უფლისწული (პუნი "კუზიანი კვიცი"), ფრანცი (დელიბი "კოპელია"); იყო რეჟისორი და სცენარის ავტორი მხატვრული კინო ფილმი-ბალეტის "ლილეა" (1958, ვ. ლაპოკნიშთან ერთად), ფილმი-სპექტაკლის "სიმღერები დნეპრზე" (1956, ა. მიშურინთან ერთად); ბალეტის მსახიობი, ბალეტმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 181

• 1962 - სსრკ სახალხო არტისტი
• 1948 - უკრაინის სახალხო არტისტი
• 1946 - უკრაინის დამსახურებული არტისტი
• 1940 - აზერბაიჯანის დამსახურებული არტისტი
• ლენინის ორდენი