მიხეილ წინამძღვრიშვილი

დაბადების ადგილი: დაბა სურამი, ხაშურის რაიონი.

დაამთავრა ქ. ხარკოვის უნივერსიტეტის სამედიცინო ფაკულტეტი 1910 წელს.

1921-1930წწ. განაგებდა თბილისის სახელმწიფო უნივერსიტეტის სამკურნალო ფაკულტეტის დიაგნოსტიკის კათედრას; 1927-1928წწ. მივლინებლი იყო ბერლინის, ვენისა და პარიზის კლინიკებში; 1930-1956წწ. განაგებდა თბილისის სახელმწიფო სამედიცინო ინსტიტუტის ჰოსპიტალური თერაპიის კათედრას; 1946 წელს საქართველოს მეცნიერებათა აკადემიის სისტემაში დაარსა სსრკ-ში პირველი კლინიკური და ექსპერიმენტული კარდიოლოგიის ინსტიტუტი, რომელსაც ხელმძღვანელობდა სიცოცხლის ბოლომდე(ინ-ტს შემდგომ მისი სახელი მიეკუთვნა); 1946 წელს, პირველად სსრკ-ში, დაიწყო ჰიპერტონული დაავადების ეპიდემიოლოგიური შესწავლა საქართველოს ნმოსახლეობაში; შეიმუშვა ჰიპერტონიული დაავადებისა და გულის კუნთის დისტროფიის ორიგინალური კლასიფიკაციები(1952-1956); გამოჰყო ჰიპერტონული დაავადების შექცევადი ანუ რევერზიბელური ფორმა და პრეჰიპერტონიული მდგომარეობა(1952); ახლებურად გააშუქა ჰიპერტონიის რენული(თირკმლის) გენეზის თეორია(1952); სწავლობდა გულის თანდაყოლილი ანომალიების დიაგნოსტიკის საკითხებს და სხვ. თერაპიული სკოლის ერთ-ერთი ფუძემდებელი საქართველოში,  პირველი ქართული სახელმძღვანელოს ავტორი შინაგან სნეულებათა დიაგნოსტიკაში; მნიშვნელოვანია მისი შრომები გულ-სისხლძარღვთა ავადმყოფობათა შესახებ. თერაპევტი, კარდიოლოგი, მედიცინის დოქტორი(1921), პროფესორი(1924).

დისერტაციის თემა - "მასალები ქონდროიტინ-გოგირდმჟავას ქიმიისა და შარდში აღმოჩენის შესახებ მუცლის ტიფის დროს", დაიცვა 1921 წელს.

წყარო: ქართული საბჭოთა ენციკლოპედია: ტ.11.-თბ., 1987.-გვ.327; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.139

• თერაპევტთა საკავშირო სამეცნიერო საზოგადოება, საპატიო წევრი (1956-)
• საქართველოს თერაპევტთა სამედიცინო საზოგადოება, თავმჯდომარე (1950-1956)
• საქართველოს მეცნიერებათა აკადემია, აკადემიკოსი (1946-1956)

• ლენინის ორდენი
• მედალი "ჯანმრთელობის დაცვის ფრიადოსანი"
• მედალი "სამამულო ომის დროს თავდადებული შრომისთვის"
• შრომის წითელი დროშის ორდენი
• საქართველოს მეცნიერებათა დამსახურებული მოღვაწე

• შინაგან სნეულებათა კლინიკური დიაგნოსტიკის საფუძვლები : სახელმძღვ. სამედ. ინ-ტის სტუდენტთათვის (ავტორი). - თბილისი, განათლება, 1965. - 438გვ.
• მასალები ხონდროიტინ-გოგირდ-მჟავის ქიმიისა და შარდში აღმოჩენის შესახებ მუცლის ტიფის დროს (ავტორი). - ტფილისი, სახ. უნ-ტის გამ-ბა, 1921. - 146გვ.
• გადამდები სნეულებანი და მათთან ბრძოლა (ავტორი). - ტფილისი, ქართ. შ. წ. კ. გამავრც. საზოგადოების გამოცემა N 130, 1917. - 75გვ.