თამარ ხეჩინაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1987 წელს.

1987-1988წწ. იყო რესპუბლიკური ცენტრალური კლინიკური საავადმყოფოს ყელ-ყურ-ცხვირის სნეულებათა განყოფილების ექიმი-ინტერნი; 1988-1989წწ. - "დინამოს" სტადიონის საექიმო ფიზკულტურის დისპანსერის ექიმი-ოტორინოლარინგოლოგი; 1990-1993წწ. - თბილისის სახელმწიფო სამედიცინო უნივერსიტეტის ყელ-ყურ-ცხვირის სნეულებათა კათედრის ასპირანტი; 1993 წლიდან - ლარინგოლოგიის კათედრის თანამშრომელი. ავტორია 24 სამეცნიერო ნაშრომის. ექიმი-ოტორინოლარინგოლოგი, მედიცინის მეცნიერებათა დოქტორი.

საკანდიდატო დისერტაციის თემა - "ლატენტური შუა ოტიტების დიაგნოსტიკა და მკურნალობა", დაიცვა 1993 წელს; სადოქტორო დისერტაციის თემა - "ვესტიბულური მოშლილობების დიაგნოსტიკა კისრის ოსტრეოქონდროზით განპირობებული ვერტებრო-ბაზილარული სისხლძარღვოვანი უკმარისობისა და ზოგიერთი მსგავსი დაავადების დროს", დაიცვა 2002 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.362; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.391