ნიკოლოზ ხუტულაშვილი

დაბადების ადგილი: ქ. ლენინგრადი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1985 წელს; სტაჟირება გაიარა კომპიუტერულ ტომოგრაფიაში 1991 წელს (ქ. გრაცი, ავსტრია).  

1985 წელს იყო აკად. ე. ფიფიას სახელობის რკინიგზის საავადმყოფოს ქირურგიული განყოფილების ქირურგი; 1987 წელს ხობის რაიონის საავადმყოფოს ქირურგი; 1988–1989წწ. რკინიგზის საავადმყოფოს ქირურგიული საავადმყოფოს ქირურგი; 1990 წელს მუშაობდა მოსკოვის ვიშნევსკის სახელობის ქირურგიული ინსტიტუტის კომპიუტერული ტომოგრაფიის განყოფილებაში; 1990 წელს აკადემიკოს ფრიდონ თოდუასთან ერთად მონაწილეობდა საქართველოში პირველი კომპიუტერული ტომოგრაფიის განყოფილების შექმნაში, რომლის ხელმძღვანელი იყო 1990 წლიდან 2000 წლის ჩათვლით; 1996 წელს გახდა პატენტის მფლობელი -"ძვლებში მინერალიზაციის განსაზღვრა"; 2000-2004 წწ. სახელმწიფო დაცვის სპეციალური სამსახურის სამედიცინო სამსახურის უფროსი; 2004-2005 წწ. საქართველოს შინაგან საქმეთა სამინისტროს სამედიცინო მთავარი სამმართველოს უფროსი; 2005-2009 წწ. ქ. თბილისსში ტელემედიცინისა და ინტერვენციული რადიოლოგიის ცენტრის კლინიკური დირექტორი; 2009-2011 წწ. საქართველოს ქირურგიის ინსტიტუტის კომპიუტერული ტომოგრაფიის განყოფილების ხელმძღვანელი; 2011 წლიდან დღემდე აზერბაიჯანში, ქალაქ განჯაში სამკურნალო დიაგნოსტიკური ცენტრის "ახალი განჯა" მთავარი ექიმი, რადიოლოგიური განყოფილების ხელმძღვანელი. არის 112 სამეცნიერო შრომის ავტორი, რომელიც გამოქვეყნებულია როგორც ქართულ, ისევე უცხოურ სამეცნიერო კვლევით ჟურნალებში; მონაწილეობა აქვს მიღებული საერთაშორისო სამედიცინო კონფერენციებში: ქ. პეტერბურგი, ქ. რიგა, ქ. ვენა, ქ. გრაცი, ქ. მიუხენი, ქ. პრაღა, ქ. საკოლნიკი, ქ. ჩიკაგო, ქ. ვარშავა.  რენდგენოლოგი, მედიცინის მეცნიერებათა დოქტორი (1996).

საკანდიდატო დისერტაციის თემა - "კომპიუტერული ტომოგრაფიის როლი რეტროპერიტონული ორგანოს გარეშე სიმსივნეების დიაგნოსტიკაში", დაიცვა 1996 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.369; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ.-თბ., 2012.-გვ.77

• ევროპის ინტერვენციული ასოციაცია, წევრი (2018-)
• ევროპის რადიოლოგთა ასოციაცია, წევრი (2010-)
• საქართველოს რადიოლოგთა ასოციაცია, წევრი
• ფაზისის აკადემია, აკადემიკოსი (2011-)

• 2003 - ღირსების ორდენი
• 1996 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1990-1995 წლებში გამოქვეყნებულ შრომათა ციკლისათვის "ახალი ტიპის სამეცნიერო-კვლევითი ინსტიტუტის შექმნა და რესპუბლიკის სამედიცინო პრაქტიკაში დაავადებების ადრეული დიაგნოსტიკის ახალი მეთოდებისა და უსისხლო ორგანოშემანარჩუნებელი ოპერაციების დანერგვა ღვიძლისა და კუჭქვეშა ჯირკვლის დაავადებების დროს''.