რუსუდან ჯავახაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1972–1976წწ. იყო თბილისის N1 კლინიკური საავადმყოფოს ექიმი–ნევროპათოლოგი; 1976 წლიდან მუშაობს შრომის ჰიგიენისა და პროფესიულ დაავადებათა სამეცნიერო კვლევით ინსტიტუტიში ექიმ–ნევროპათოლოგად, უმცროს და უფროს მეცნიერ–თანამშრომლად, ნევროლოგიური განყოფილების გამგედ, დირექტორად. ავტორია 45 სამეცნიერო ნაშრომის. ნევროპათოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ნერვული სისტემის პათოლოგიის კლინიკური თავისებურებანი სამთამადნო მუშათა შორის ლოკალური ვიბრაციის და მანგანუმის ერთდროული ზემოქმედების დროს", დაიცვა 1990 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.370; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.307

• საქართველოს პროფილაქტიკური მედიცინის მუშაკთა ასოციაცია, დამფუძნებელი
• საქართველოს ტოქსიკოლოგთა ასოციაცია, წევრი

• 2001 - ღირსების ორდენი