ლეონარდ დეკაპრელევიჩი

დაბადების ადგილი: ქ. თბილისი.

გენეტიკოს-სელექციონერი, ბოტანიკოსი. დაამთავრა მოსკოვის უნივერსიტეტის ფიზიკა-მათემატიკის ფაკულტეტის საბუნებისმეტყველო-ისტორიული განყოფილება 1912 წელს. 1914 წლიდან თბილისის ბოტანიკური ბაღის სელექციის განყოფილების უმცროსი სპეციალისტი; 1916 წლიდან გამგე; 1929 წლიდან საქართველოს სასოფლო-სამეურნეო ინსტიტუტის ლექტორი; 1937-1973წწ. ამავე ინსტიტუტის გენეტიკა-სელექციის კათედრის გამგე, შემდეგ მისი საპატიო გამგე და კონსულტანტი. 1943 წლიდან სოფლის-მეურნეობის მეცნიერებათა დოქტორი; 1930 წლიდან პროფესორი; დეკაპრელევიჩის სამეცნიერო-კვლევითი მუშაობა უმთავრესად შეეხება ამიერკავკასიის, კერძოდ, საქართველოს კულტურული ფლორის შესწავლას. მან სხვა მეცნიერებთან ერთად დაადგინა, რომ მსოფლიოში საქართველო ხორბლის წარმოშობის ერთ-ერთი მთავარი კერაა, განსაზღვრა ხალხური სელექციის როლი ამ მცენარის გაუმჯობესებაში. გამოიყვანა ხორბლის, სიმინდის, ქერისა და ლობიოს ახალი ჯიშები. მიღებული აქვს 8 საავტორო მოწმობა.

წყარო: ქართული საბჭოთა ენციკლოპედია, ტ. 3, თბ., 1979, გვ. 444.

• საქართველოს მეცნიერებათა აკადემია, წევრ-კორესპონდენტი (1944-)

• 1973 - ნიკილოზ ვავილოვის სახელობის პრემია
• ლენინის ორდენი (2 ორდენი)

• სიმინდის თანამედროვე ჯიშური შემადგენლობა საქართველოში და მისი გაუმჯობესების გზები (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1955. - 28გვ.
• დოლის-პური და სელექციური მუშაობა მასზე : თბილისში წაკითხული საჯარო ლექციის სტენოგრამა (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1950. - 24გვ.
• არახისის ჯიშთა გამოცდის შედეგები საქართველოში (ავტორი) // სამეცნიერო-კვლევითი შრომები = Научно-исследовательские труды; წიგნი 6. - თბილისი, საქ. სსრ. მიწათმოქმედების სახალხო კომისარიატი, 1937. - 91 გვ.