ნესტან ნიჟარაძე

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი და პარიზის უნივერსიტეტის ინფორმაციის, კომუნიკაციისა და კინოფაკულტეტის მაგისტრატურა.

არის თბილისის ფოტოგრაფიის სახლის თანადამფუძნებელი და თანადირექტორი; იყო პირველი ქართულენოვანი ფოტოჟურნალის "PHOTO"-ს მთავარი რედაქტორი და თანადამფუძნებელი; ფრანგულ-ინგლისური პოლიტიკური ჟურნალის Caucasus Internarional-ის ფოტორედაქტორი. 2004 წლიდან თანამშრომლობს გაზეთებთან "24 საათი" და "Weekend". 2010 წლიდან ფრანგ ფოტოგრაფ ლიონელ შარიესთან ერთად ატარებს თბილისის ყოველწლიურ საერთაშორისო ფოტოფესტივალს. არის ამ ფესტივალის სამხატვრო დირექტორი. 2006 წლიდან აქტიურად მუშაობს  საქართველოში ფოტოგრაფიის განვითარების ხელშეწყობაზე და ქართული ფოტოგრაფიის პოპულარიზაციაზე უცხოეთში. არის მრავალი ფოტოგამოფენის კურატორი. 

წყარო: თავისუფლების დღიურები, 2013 : რადიო "თავისუფლების" პროექტი. - თბ.,.- 2013.-გვ.79