ნუგზარ ზაზანაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1980 წელს.

პარალელურად სწავლობდა ხელოვნებათმცოდნეობის მეორეულ ფაკულტეტზე და აქტიურად მონაწილეობდა ახალგაზრდა მწერალთა წრის მუშაობაში. სტუდენტობის პერიოდში მუშაობდა ბოტანიკის ინსტიტუტში, რომელსაც ნიკო კეცხოველი ხელმძღვანელობდა. 80-იანი წლებიდან ჩაბმულია ეკოლოგიურ მოძრაობაში. 90-იანი წლების დასაწყისიდან, ბუნების დაცვის მსოფლიო ფონდის(WWF) კავკასიის პროგრამის დაარსების დროიდან, თანამშრომლობს ამ ორგანიზაციასთან. არის ამ პროგრამის ერთ-ერთი ხელმძღვანელი. მისი კოორდინაციითა და უშუალო მონაწილეობით განხორციელდა არაერთი მნიშვნელოვანი პროექტი, მათ შორის დაცული ტერიტორიების განვითარების მიმართულებით. არის მრავალი სამეცნიერო, სამეცნიერო-პოპულარული და ლიტერატურული პუბლიკაციის ავტორი.  სამეცნიერო ინტერესების სფეროები: კავკასიის ბიომრავალფეროვნების კონსერვაცია და მდგრადი გამოყენება, დაცული ტერიტორიები, ლანდშაფტმცოდნეობა / ლანდშაფტის ეკოლოგია, ბიოგეოგრაფია, მცენარეულობის ეკოლოგია და კარტოგრაფირება. ილიას უნივერსიტეტის ასოცირებული პროფესორი, გარემოს დამცველი.

საკანდიდატო დისერტაციის თემა - "ცენტრალური კავკასიონის მაღალმთის ეკოლოგიურ-გეობოტანიკური კარტოგრაფირება", დაიცვა 1986 წელს.

წყარო: თავისუფლების დღიურები, 2013 : რადიო "თავისუფლების" პროექტი. - თბ.,.- 2013.-გვ.112;  ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.123-124; ილიას სახელმწიფო უნიერსიტეტი: faculty.iliauni.edu.ge; radiotavisupleba.ge

• ფშავ-ხევსურეთის დაცული ტერიტორიების ლანდშაფტური დაგეგმარება (რედაქტორი). - თბილისი, უნივერსალი, 2012. - 132გვ.
• ეკოლოგიის კარიბჭე (შემდგენელი). - თბილისი, WWF, 1998. - 88გვ.
• ასეთი დროა : ლექსები (ავტორი). - თბილისი, დიოგენე, 1998. - 144გვ.
• საქართველოს დაცული ტერიტორიების აწმყო და მომავალი (შემდგენელი). - თბილისი, WWF, 1997. - 37გვ.