ლეონიდე კალანდაძე

დაბადების ადგილი:  სოფელი ხიდისთავი, ჩოხატაურის რაიონი.

დაამთავრა თბილისის სახელმწიფო უნივერსიტეტის აგრონომიული ფაკულტეტი 1921 წელს; მიუნხენის უნივერსიტეტის სატყეო ფაკულტეტი 1927 წელს.

1932-1968წწ. იყო საქართველოს სასოფლო-სამეურნეო ინსტიტუტის ზოოლოგიისა და ენტომოლოგიის კათედრის გამგე; 1945-1950წწ. დირექტორის მოადგილე სასწავლო ნაწილში. საქართველოში სამედიცინო ენტომოლოგიის ერთ-ერთი ფუძემდებელი; ხელმძღვანელობდა საქართველოში კოღოების სახეობრივი შედგენილობისა და გავრცელების შემსწავლელ ექსპედიციებს; გამოიკვლია ჭაობებისა და მცირე ზომის წყალსატევების ფაუნა; დაამუშავა ქართული ენტომოლოგიური ტერმინოლოგია. აგრონომ-ენტომოლოგი. 

წყარო: ქართული საბჭოთა ენციკლოპედია, ტ. 5, თბ., 1980, გვ. 327; საქართველო: ენციკლოპედია: ტ. IV. -თბ., 2018.გვ. 490

• საქართველოს მეცნიერებათა აკადემია, წევრ-კორესპონდენტი (1946-)

• 1954 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• ლენინის ორდენი
• შრომის წითელი დროშის ორდენი (2 ორდენი)

• სასოფლო-სამეურნეო ენტომოლოგიის მოკლე კურსი (ავტორი). - ტფილისი, სახელგამი, 1932. - 346გვ.
• სოფლის მეურნეობის მავნებლები და მათი საწინააღმდეგო ბრძოლის საშუალებანი : სახელმძღვანელო სასოფლო-სამეურნეო ტეხნიკუმებისათვის (ავტორი). - ტფილისი, სახელგამი, 1930. - 211გვ.
• ჩვენი მინდვრის მავნებლები და მათ საწინააღმდეგო ბრძოლის საშუალებანი (ავტორი). - ტფილისი, სახელგამი, 1929. - 67გვ.
• ადამიანის სენების გადამტანი და გამომწვევი მწერები და მათ საწინააღმდეგო ბრძოლა (ავტორი). - ტფილისი, სახელგამი, 1929. - 82გვ.
• მალარიის კოღო და მასთან ბრძოლა (ავტორი). - ტფილისი, სახელგამი, 1928. - 37გვ.