ლალი ჯაში

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1970 წელს.

1970–1977წწ. იყო თბილისის სახელმწიფო სამედიცინო ინსტიტუტის თერაპიული სტომატოლოგიის კათედრის უფროსი ლაბორანტი; 1977–1989წწ. - კათედრის ასისტენტი; 1989 წლიდან - კათედრის დოცენტი. ავტორია 48 სამედიცინო ნაშრომის, მათ შორის ერთი მონოგრაფიის. ექიმი-სტომატოლოგი, მედიცინის მეცნიერებათა დოქტორი (2003).

საკანდიდატო დისერტაციის თემა - "ადგილობრივი ინფილტრატული ანესთეზია ნაკადისებური მეთოდით თერაპიულ სტომატოლოგიაში", დაიცვა 1975 წელს; სადოქტორო დისერტაციის თემა - "იმუნოლოგიური რეაქციების თავისებურებები პაროდონტიტის დროს და მათზე წარმოების მავნე ფაქტორების გავლენა", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ. 375; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.395

• საქართველოს სტომატოლოგთა ასოციაცია, წევრი

• პაროდონტოლოგია : სახელმძღვანელო სტომატოლოგიის ფაკ-ტის სტუდენტების, რეზიდენტებისა და ექიმი-სტომატოლოგებისათვის (თანაავტორი). - თბილისი , 2014. - 357გვ. . - ISBN: 9789941232305