ნანა ჯინჭარაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1987 წელს.

1987–1988წწ. იყო თბილისის N1 კლინიკური საავადმყოფოს ჩვილ ბავშვთა განყოფილების ექიმი–ინტერნი, ბავშვთა რესპუბლიკური საავადმყოფოს ახალშობილთა რეანიმაციაში ექიმი–რეანიმატოლოგი; 1992 წლიდან ბავშვთა რესპუბლიკური საავადმყოფოს ახალშობილთა პათოლოგიის განყოფილების ექიმი–ნეონატოლოგი; 1995 წლიდან თბილისის სახელმწიფო სამედიცინო უნივერსიტეტის N2 პედიატრიის კათედრის უფროსი ლაბორანტი. ავტორია 12 სამეცნიერო ნაშრომის. პედიატრი, მედიცინის მეცნიერებათა კანდიდატი.

საკანდიდატო დისერტაციის თემა - "კლინიკა და ჰიპოფიზ–თირეოიდული სისტემის ფუნქციური მდგომარეობა ახალშობილთა ცნს-ის ტრავმულ–ჰიპოქსიური დაზიანებისა და მის ფონზე განვითარებული გრამუარყოფითი ბაქტერიებით გამოწვეული სეფსისის დროს", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.377

• პედიატრთა საერთაშორისო ასოციაცია, წევრი
• საქართველოს ნეონატოლოგთა ასოციაცია, წევრი
• საქართველოს პედიატრთა საზოგადოება, წევრი