ცისანა ჯუღელი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1950 წელს იყო თბილისის რესპუბლიკური ცენტრალური კლინიკური საავადმყოფოს ნერვულ სნეულებათა კათედრის ექიმი–სტაჟიორი; 1951 წელს ქობულეთის ბავშვთა სანატორიუმის ექიმი–ორდინატორი; 1952–1954წწ. მუშაოდა ღვინის მეურნეობაში ამბულატორიის გამგედ; 1955 წელს N1 სანატორიუმის ექიმ–ორდინატორად; 1956 წელს მანგლისის ბავშვთა სანატორიუმის ექიმ–ორდინატორად; 1956–1969წწ. ბორჯომ–ლიკანის სანატორიუმში კლინიკური განყოფილების გამგედ; 1969–1974წწ. სანიტარული და ჰიგიენის სამეცნიერო კვლევითი ინსტიტუტის უფროს მეცნიერ–თანამშრომლად; 1986 წელს იყო თსსი ჰოსპიტალური თერაპიის კათედრის ასისტენტი. ავტორია 38 სამეცნიერო ნაშრომის. მედიცინის მეცნიერებათა კანდიდატი.

საკანდიდატო დისერტაციის თემა - "კუჭისა და თორმეტგოჯა ნაწლავის წყლულით დაავადებული ავადმყოფების სანატორიულ–საკურორტო კომპლექსური მკურნალობა ბორჯომ–ლიკანში და კომპლექსის ზოგიერთი ფაქტორების მოქმედების მექანიზმის საკითხები კუჭის წვენის სიმჟავიანობის წარმოქმნის ფუნქციაზე", დაიცვა 1968 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.380

• სანატორიუმ "ლიკანის" საზოგადოება "ცოდნა", თავმჯდომარე (1962-1969)
• ჰოსპიტალური თერაპიის კათედრის პროფკავშირული ორგანიზაცია, თავმჯდომარე

• 1988 - შრომის ვეტერანის მედალი