ნანა ნაზაროვა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი, თბილისის სახელმწიფო უნივერსიტეტის ხელოვნებისა და ჰუმანიტარულ პროფესიათა ფაკულტეტის სახვითი და გამოყენებითი ხელოვნების განყოფილება.

1999 წლიდან მონაწილეობს ადამიანის უფლებათა დაცვის, სოციალური რეაბილიტაციისა და ადაპტაციის ტრენინგებში; მუშაობდა შრომის მედიცინისა და ეკოლოგიის კვლევითი ინსტიტუტის მათემატიკური მოდელირების ლაბორატორიაში; 1996 წელს დააარსა ადამიანის ჰარმონიული განვითარების ხელშემწყობი საზოგადოება. 1998 წლიდან ჩართულია ქალთა უფლებების დაცვის მოძრაობაში; 2000 წლიდან თანამშრომლობს საერთაშორისო ქსელთან-"ევროპული პლატფორმა ტრეფიკინგის, მონობისა და ექსპლუატაციის წინააღმდეგ"- როგორც ექსპერტი და მკვლევარი მიგრაციისა და მისი კრიმინალური ასპექტების, ადამიანის ვაჭრობასთან ბრძოლის საკითხებში. არის ამ სფეროში 50-ზე მეტი პროექტის ავტორი და ტრეფიკინგისა და მიგრაციის საკითხებზე გამოქვეყნებული რვა პუბლიკაციის თანაავტორი. უფლებადამცველი.

წყარო: თავისუფლების დღიურები, 2013 : რადიო "თავისუფლების" პროექტი. - თბ.,.- 2014.-გვ.125

• ქალთა და გენდერულ პრობლემებზე მომუშავე სამოქალაქო საზოგადოების ორგანიზაციების კოორდინირების ხელშეწყობა (ავტორი). - თბილისი, 2014. - 34გვ.
• დეკლარირებული და პასიური პოლიტიკიდან ემიგრანტთა დაბრუნების ეტაპობრივ პოლიტიკამდე (ავტორი). - თბილისი, 2013. - 151გვ.
• პროგრამა ეკოტოქსიკოლოგიური სიტუაციის გაუმჯობესება საქართველოს და აზერბაიჯანის შხამქიმიკატების ინტენსიური მოხმარების რეგიონებში : მასალების კრებული (რედაქტორი). - თბილისი, 2002. - 159გვ.