ალექსანდრე ჩივაძე

დაბადების ადგილი: ქ. ყარაჩაევსკი (რსფსრ, ყარაჩაი-ჩერქეზეთის ავტონომიური რესპუბლიკა). 

დაამთავრა თბილისის სახელმწიფო უნივერსიტეტის იურიდიული ფაკულტეტი.

1947-1987წწ. თამაშობდა თბილისის "დინამოში", რომლის შემადგენლობაში 1978 წელს მოიპოვა საბჭოთა კავშირის ჩემპიონის წოდება; ერთხელ გახდა საკავშირო ჩემპიონატის ვერცხლის (1977) და სამჯერ (1976, გაზაფხული, 1979, შემოდგომა, 1981)-ბრინჯაოს პრიზიორი. სსრკ თასის ორგზის მფლობელი (1976 და 1979) და ფინალისტი(1980), საბჭოთა კავშირის ხალხთა სპარტაკიადის მეორე პრიზიორი (1979). 1981 წელს თბილისის "დინამოსთან"ერთად მოიპოვა ევროპის ქვეყნების თასების მფლობელთა თასი. 1980 წლის ოლიმპიური თამაშების ბრინჯაოს პრიზიორი და მსოფლიოს 1982 წლის ჩემპიონატის ფინალური ტურნირის მონაწილე საბჭოთა კავშირის ნაკრების შემადგენლობაში. ამ გუნდში ჩაატარა 46 შეხვედრა, აქედან 26-კაპიტნის რანგში (გაიტანა სამი გოლი). ითამაშა სსრკ ჩემპიონატის უმაღლესი ლიგის 323 მატჩში (44 გოლი). 1993-1996 და 2001-2003 წლებში იყო საქართველოს ეროვნული ნაკრების მთავარი მწვრთნელი. არის საქართველოს ახალგაზრდული ნაკრების მთავარი მწვრთნელი.

წყარო: თავისუფლების დღიურები, 2012 : რადიო "თავისუფლების" პროექტი. - თბ.,.- 2013.-გვ.151; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.121

• 2016 - თბილისის საპატიო მოქალაქე
• 2001 - ღირსების ორდენი
• 1980 - საბჭოთა კავშირის წლის საუკეთესო ფეხბურთელი