სიმონ ჯანაშია

დაბადების ადგილი: ქ. თბილისი.

სწავლობდა ივანე ჯავახიშვილის სახელობის თბილისის სახელმწიფო უნივერსიტეტში, ფრაიბურგისა და მიუნხენის(გერმანია) უნივერსიტეტებში. გაიარა ჰარვარდის(აშშ) უნივერსიტეტის მაგისტრატურა განათლების მიმართულებით.

მუშაობდა საჯარო და კერძო სკოლებში მასწავლებლად; 2004-2009წწ. სათავეში ედგა განათლების რეფორმის პროექტ "ილია ჭავჭავაძის", სასწავლო გეგმების, სახელმძღვანელოებისა და მოსწავლეების შეფასების მიმართულებას; მისი ხელმძღვანელობით შემუშავდა და დაინერგა ეროვნული სასწავლო გეგმა, დაარსდა სასწავლო გეგმებისა და შეფასების ცენტრი, ჩატარდა გამოკვლევები მოსწავლეთა სწავლის შედეგების მიმართულებით. მისი ავტორობით შემუშავებულია პოლიტიკის დოკუმენტები განათლების ხარისხის, განათლების მართვის, სკოლების უსაფრთხოებისა და მასწავლებლების მომზადების სფეროებში; იკვლევს საქართველოს და საერთაშორისო განათლების პრობლემებს; მუშაობდა განათლების საერთაშორისო განვითარების პროექტებში უზბეკეთში, ყირგიზეთსა და ტაჯიკეთში; დაიცვა დისერტაცია კოლუმბიის უნივერსიტეტში, განათლების საერთაშორისო განვითარების მიმართულებით; მისი კვლევების ძირითადი ინტერესია განათლების პოლიტიკა; სხვადასხვა დროს იყო ილიას და კავკასიის უნივერსიტეტების პროფესორი და აგრეთვე ფრანკფურტის გოეთეს სახელობის და აღმოსავლეთ ევროპის მოწვეული ლექტორი. კოლუმბიის უნივერსიტეტის დოქტორანტი, განათლების საკითხთა ექსპერტი. 

წყარო: თავისუფლების დღიურები, 2012 : რადიო "თავისუფლების" პროექტი. - თბ.,.- 2013.-გვ. 156

• პოლიტიკური გაერთიანება "თავისუფლების მოედანი", თანადამფუძნებელი (2024-)

• ზოგადსაგანმანათლებლო სისტემის დეცენტრალიზაცია : კრებული (თანაავტორი). - თბილისი, მწიგნობარი, 2013. - 182გვ.. - ISBN: 978-9941-0-5034-3
• მოსაზრებები საქართველოს ევროპული მომავლის შესახებ = Opinions on Georgia's european future : პროექტი (თანაავტორი). - თბილისი, ფავორიტი პრინტი, 2011. - 88გვ.. - ISBN: 978-9941-9220-3-9
• როგორ ვასწავლოთ მოსწავლეებს აზროვნება : მეთოდ. სახელმძღვ. (თანაავტორი). - თბილისი, ეროვნ. სასწ. გეგმებისა და შეფასების ცენტრი, 2007. - 74გვ.
• ეროვნული სასწავლო გეგმის პილოტირების (2005-2006) და დანერგვის კვლევები (2007) (თანაავტორი). - თბილისი, 2007. - 238გვ.