არჩილ გეგეშიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი საზღვარგარეთის ქვეყნების ეკონომიკური და სოციალური გეოგრაფიის სპეციალობით 1978 წელს; ივანე ჯავახიშვილის სახელობის თბილისის სახელმწიფო უნივერსიტეტის ეკონომიკური და სოციალურიგეოგრაფიის კათედრის ასპირანტურა 1981 წელს.

1992 წლიდან საქართველოს საგარეო საქმეთა სამინისტროს პირველი ევროპული დეპარტამენტის უფროსის მოადგილე; 1992-1994წწ. საქართველოს სახელმწიფო მეთაურის აპარატის ეროვნული უსაფრთხოების საგარეო-პოლიტიკური უზრუნველყოფის ჯგუფის მრჩეველი; 1995-1996წწ. საქართველოს პრეზიდენტის თანაშემწე ეროვნული უსაფრთხოების საკითხებში; 1996-2000წწ. სახელმწიფო კანცელარიის საგარეო პოლიტიკის ანალიზის განყოფილების უფროსი; საქართველოს პრეზიდენტის მთავარი მრჩეველი საგარეო პოლიტიკის საკითხებში. 2000-2001წწ. სტენფორდის უნივერსიტეტის (აშშ) ფულბრაიტის სახელობის სტიპენდიანტი მკვლევარი; 2001-2013წწ. საქართველოს სტრატეგიისა და საერთაშორისო ურთიერთობების კვლევის ფონდის მთავარი მკვლევარი; ფონდის პროგრამების  ფარგლებში სალექციო კურსს კითხულობდა გლობალიზაციისა და განვითარების საკითხებზე, ატრებდა ტრენინგებს პოლიტიკის ანალიზში; სტენფორდის უნივერსიტეტში იყო ფულბრაიტის მოწვეული მკვლევარის რანგში; 2013- 2016წწ. იყო საქართველოს საგანგებო და სრულუფლებიანი ელჩი ამერიკის შეერთებულ შტატებში – აკრედიტებული ბაჰამის თანამეგობრობაში, ჰაიტის რესპუბლიკასა და გრენადაში. გეოგრაფიის დოქტორი (1985).  2016 წლიდან ლევან მიქელაძის სახელობის ფონდის აღმასრულებელი დირექტორი.

მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: თავისუფლების დღიურები, 2011 : რადიო "თავისუფლების" პროექტი. - თბ.,.- 2012.-გვ.226; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.54

• 2003 - ღირსების ორდენი

• საქართველოს საგარეო-პოლიტიკური გამოწვევები საშუალოვადიან პერსპექტივაში (ავტორი). - თბილისი, 2013
• საქართველოში იძულებით გადაადგილებულ პირთა ადამიანური უსაფრთხოების განმტკიცება : (ანალიტ. მოხსენება სახელმწ. პოლიტიკის სფეროში) (ავტორი). - თბილისი, 2008. - 100გვ.
• ევროკავშირის პოლიტიკა: მიმდინარე საკითხები : კრებული (თანაავტორი). - თბილისი, 2007. - 206გვ.
• გეოპოლიტიკა (ავტორი). - თბილისი, 1999. - 272გვ.