ირმა სოხაძე

დაბადების ადგილი: ქ. თბილისი.

დაამთავრა თბილისის ვანო სარაჯიშვილის სახელობის სახელმწიფო კონსერვატორიის საფორტეპიანო და თეორიული ფაკულტეტები.

4 წლისა უკვე საქართველოს პოლიტექნიკური ინსტიტუტის ბიგ-ბენდის, ხოლო 8 წლისა-საქართველოს სახელმწიფო ორკესტრ "რეროს" სოლისტი იყო. სწორედ "რეროში"იმღერა ცნობილი "ნარინჯისფერი სიმღერა"("Оранжевая песня"). 1980 წლიდან 2004 წლამდე საქართველოს ტელევიზიის პირველ არხზე იყო მრავალი ციკლური გადაცემის ავტორი, რედაქტორი, წამყვანი თუ პროდიუსერი. მათ შორის სოციალურად დაუცველ, დაავადებულ და აფხაზეთის ომის შედეგად დაზარალებულ ბავშვთა დასახმარებლად; 1990-იან წლებში ჩატარებული 7 ტელემარათონის ავტორი და წამყვანი. ეწევა აქტიურ საკონცერტო მოღვაწეობას, არის მრავალი სატელევიზიო, საესტრადო თუ ჯაზური საერთაშორისო ფესტივალის ლაურეატი, 100-მდე საესტრადო საბავშვო სიმღერის, ლექსების, სამი საბავშვო მიუზიკლისა და ერთი მონოოპერის ავტორი. 2014 წლის 15 აპრილს თბილისის დიდი საკონცერტო დარბაზის წინ ირმა სოხაძის ვარსკვლავი გაიხსნა. პიანისტი, ტელეჟურნალისტი.

წყარო: თავისუფლების დღიურები, 2009 : რადიო "თავისუფლების" პროექტი. - თბ.,.- 2010. გვ.10; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.191

• ევრაზიის ტელეაკადემია, ნამდვილი წევრი

• 1998 - ღირსების ორდენი
  ქართული საესტრადო ხელოვნების განვითარების, მისი პოპულარიზაციის საქმეში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვისთვის
• საქართველოს დამსახურებული არტისტი