ბაადურ წულაძე

დაბადების ადგილი: ქ. ბათუმი.

დაამთავრა მოსკოვის კინემატოგრაფიის საკავშირო სახელმწიფო ინსტიტუტის სარეჟისორო ფაკულტეტი ალექსანდრე დოვჟენკოსა და მიხეილ ჭიაურელის ხელმძღვანელობით.

1961 წლიდან კინოსტუდია "ქართული ფილმის" რეჟისორია. მრავალი საკავშირო და საერთაშორისო პრემიის ლაურეატი. შესრულებული აქვს მთავარი და ეპიზოდური როლები 70-ზე მეტ მხატვრულ ფილმში. როგორც დამდგმელ რეჟისორს, გადაღებული აქვს ათამდე მოკლემეტრაჟიანი და სრულმეტრაჟიანი მხატვრული ფილმი, მათ შორის "ფეოლა", "გლადიატორი", "ვალსი მთაწმინდაზე" და სხვ. მიღებული აქვს პრიზები რიგის სპორტული ფილმების მესამე საკავშირო ფესტივალზე (1970); დსთ-ის და ბალტიისპირეთის ქვეყნების XIV საერთაშორისო კინოფესტივალი "კინოშოკი", ანაპა (2005) - ჟიურის სპეციალური პრიზი მამაკაცის მეორეხარისხოვანი როლის საუკეთესო შესრულებისთვის ფილმში "თბილისი-თბილისი". დაჯილდოებულია ბათუმის საავტორო კინოს საერთაშორისო ფესტივალის მთავარი პრიზით "ოქროს ზღვისცხენი" (2015).
წყარო: თავისუფლების დღიურები, 2009 : რადიო "თავისუფლების" პროექტი. - თბ.,.- 2010. გვ.287; ქართული კინო: georgian-cinema.ge; ეროვნული ფილმოგრაფია:geocinema.ge

• საქართველოს კინემატოგრაფისტთა კავშირი, წევრი (1969-2018)

• 2016 - ბათუმის საპატიო მოქალაქე
• 1979 - საქართველოს დამსახურებული არტისტი