ირაკლი ალასანია

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტია საერთაშორისო სამართლის ფაკულტეტი 1995 წელს და საქართველოს უშიშროების აკადემია.

1994-1998წწ. მუშაობდა სახელმწიფო უშიშროების სამინისტროში; 1998 წლიდან-საგარეო საქმეთა სამინისტროს ცენტრალურ აპარატში; იმავე წელს მუშაობა განაგრძო საქართველოს საელჩოში აშშ-ში, კანადასა და მექსიკაში; 2002-2004წწ. მუშაობდა უშიშროების სისტემაში: 2002 წელს დაინიშნა სახელმწიფო უშიშროების მინისტრის პირველ მოადგილედ; 2004 წელის მარტიდან მუშაობდა თავდაცვის მინისტრის მოადგილედ, შემდეგ კი-ეროვნული უშიშროების საბჭოს თავმჯდომარის მოადგილედ; 2004 წელს სათავეში ჩაუდგა აფხაზეთის ავტონომიური რესპუბლიკის დევნილ მთავრობას, პარალელურად, 2005-2006წწ. იყო პრეზიდენტის საგანგებო წაემომადგენელი ქართულ-აფხაზურ მოლაპარაკებებში; 2006-2008წწ.  საქართველოს მუდმივი წარმომადგენლი გაეროში; მინიჭებული აქვს საგანგებო და სრულუფლებიანი ელჩის დიპლომატიური რანგი. საქართველოს მე-8 მოწვევის პარლამენტის წევრი პარტიული სიით, პოლიტიკურიბლოკი "ბიძინა ივანიშვილი - ქართული ოცნება"; 2012- 2014წწ. საქართველოს თავდაცვის მინისტრი;  2017 წლიდან ამერიკული კონსალტინგური კომპანია SPConsulting–ის უფროსი პარტნიორი გახდა.

წყარო: თავისუფლების დღიურები, 2009 : რადიო "თავისუფლების" პროექტი. - თბ.- 2010. გვ.316; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 63; საქართველოს პარლამენტის ვებგვერდი: parliament.ge; sputnik-georgia.com;  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.29

• პოლიტიკური გაერთიანება "ალიანსი საქართველოსთვის", თავმჯდომარე (2009-2010)
• პოლიტიკური პარტია-"ჩვენი საქართველო-თავისუფალი დემოკრატები", დამფუძნებელი, თავმჯდომარე (2009-2012)
• საქართველოს მე-8 მოწვევის პარლამენტის ფრაქცია "ქართული ოცნება - თავისუფალი დემოკრატები , წევრი (2012-2012)

• ვახტანგ გორგასლის ორდენი