თემურ იაკობაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი; ოქსფორდის (ინგლისი) უნივერსიტეტის დიპლომატიისა და ჰარვარდის (აშშ) უნივერსიტეტის უსაფრთხოების სპეციალიზებული კურსები; იელის (აშშ) უნივერსიტეტის მსოფლიო ლიდერთა პროგრამის სტიპენდიანტი.

მუშაობდა საგარეო საქმეთა სამინისტროში სხვადასხვა თანამდებობაზე: ამერიკის, კანადისა და ლათინური ამერიკის დეპატრამენტის დირექტორად. 1999 წელს დააარსა კავკასიაში უმსხვილესი ანალიტიკური ცენტრი-სტრატეგიისა და საერთაშორისო ურთიერთობების კვლევის ფონდი, რომლის ვიცე-პრეზიდენტი იყო 2008 წლამდე. 2008-2010წწ. იყო საქართველოს სახელმწიფო მინისტრი რეინტეგრაციის საკითხებში. 2011-2013წწ. იყო საქართველოს საგანგებო და სრულუფლებიანი ელჩი ამერიკის შეერთებულ შტატებში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: თავისუფლების დღიურები, 2008 : რადიო "თავისუფლების" პროექტი. - თბ.,.- 2009. გვ.40; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.81

• ბრწყინვალების საპრეზიდენტო ორდენი