ვახტანგ ედილაშვილი

დაბადების ადგილი: სოფელი ბრეთი, ქარელის რაიონი.

დაამთავრა ამიერკავკასიის ინდუსტრიული ინსტიტუტი 1934 წელს.

ხელმძღვანელობდა აგეგმვისა და სასარგებლო წიაღისეულის ძებნა-ძიებით სამუშაოებს; იყო საკავშირო გეოლოგიის სამინისტროს კურატორი კავკასიის გეოლოგიურ აგეგმვის საკითხებში; 1949-1954წწ., როგორც კავკასიის ნახშირძიების ტრესტის მთავარი გეოლოგი, ხელმძღვანელობდა გეოლოგიური აგეგმვისა და ძებნა-ძიებით სამუშაოებს იურული ნახშირიანი ნალექების გავრცელების რაიონებში; 1954-1965წწ. იყო კავკასიის მინერალური ნედლეულის ინსტიტუტის სექტორის გამგე; 1969-1970წწ. საკავშირო ტრესტ "სპეცგეოფიზიკის" ამიერკავკასიის გეოფიზიკის ექსპედიციის მთავარი გეოლოგი; მისმა გამოკვლევებმა დიდად შეუწყო ხელი შაორის ქვანახშირის საბადოს, აგრეთვე თბილისისა და ცაიშის თერმული წყლების ახალი საბადოების აღმოჩენას; შეისწავლა ტიტანშემცველობა კავკასიაში, საქართველოს მანგანუმის საბადოები, გეოლოგიური სუბსტრატის ზედაპირის ხასიათი აჭარა-თრიალეთსა და სამხრეთ კახეთში; არის სხვადასხვა მასშტაბის მრავალი სახელმწიფო გეოლოგიური რუკის ავტორი, ასევე მრავალი სამეცნიერო ნაშრომის; მიღებული აქვს სახელმწიფო ჯილდოები; გეოლოგიურ-მინერალოგიურ მეცნიერებათა დოქტორი (1965).

წყარო: საქართველო: ენციკლოპედია: ტ.2. - თბ., 2012. - გვ.545

• 1984 - საქართველოს დამსახურებული გეოლოგი