ზაქარია ედილაშვილი

დაბადების ადგილი: სოფელი ბრეთი, ქარელის რაიონი.

დაამთავრა გორის სასულირო სასწავლებელი 1849 წელს; თბილისის სასულიერო სემინარია; ქ. ტარტუს (ესტონეთი) ვეტერინარული ინსტიტუტი.

მუშაობა დაიწყო ქ. კავკავში(რუსეთის ფედერაცია) დ. სარაჯიშვილის ქარხანაში; 1901 წელს სამუშაოდ კავკასიაში განაწესეს; სხვადასხვა დროს მუშაობდა ნახიჩევანში, საინგილოში, გორში; 1925-1927წწ. რედაქტორობდა გორის რაიონულ გაზეთ "წითელ ქართლს"; საინგილოში მოღვაწეობის დროს მან დიდი ინტერესი გამოიჩინა ირგვლივ მიმოფანტულ უამრავი ძეგლის მიმართ; შეუდგა აღნიშნული მხარის წარსულის ძიებას, შეაგროვა მეტად მდიდარი და უნიკალური მასალა საქართველოს ამ კუთხის შესახებ; პროფესიულმა საქმიანობამ მას ხელი შეუწყო ახლოს გასცნობოდა ხალხის ადათ-წესებსა და საქმიანობას; იგი ქართულ პრესაში ხშირად აქვეყნებდა მასალებსა და ფოტოილუსტრაციებს მრავალ საჭირბოროტო საკითხზე; მისი მონოგრაფია საინგილოს შესახებ 1940 წელს პირველად დაიბეჭდა ჟურნალ მნათობში; მთლიანად მის გამოქვეყნებას ხელი შეუშალა მეორე მსოფლიო ომმა, საბოლოოდ წიგნად გამოიცა 1947 წელს; იგი ასევე დაინტერესებული იყო რუსეთ-საქართველოს ურთიერთობათა ისტორიით, რომელსაც მრავალი გამოკვლევა და წერილი მიუძღვნა; კახში მუშაობის დროს დაარსა "სახალხო კოოპერატივი"; მან ადგილობრივ მკვიდრთა - ინგილოთა და სხვა ეროვნების ხალხთა დიდი სიყვარული დაიმსახურა; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. - თბ., 2012. - გვ.545; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.11; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.41

• საინგილო : მონოგრაფია (ავტორი). - თბილისი, თბილ. უნ-ტის გამ-ბა, 1997. - 208გვ.
• საინგილო : ისტორიულ-ეთნოგრაფიული ნარკვევი (ავტორი). - თბილისი, საბჭოთა მწერალი-ს გამ-ბა და სტ., 1947. - 181გვ.