მაკა ვირსალაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1995 წელს (საკომპოზიციო), 1996 წელს (მუსიკის ისტორია).

1998 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის ასისტენტ-სტაჟიორი, პედაგოგი ნ. მამისაშვილი (კომპოზიცია), 2010 წლიდან დოქტურანტი, პედაგოგი ზ. ნადარეიშვილი (კომპოზიცია), ასოცირებული პროფესორი, 2014 წლიდან კომპოზიციისა და მუსიკოლოგიის მიმართულების დეკანი, მუსიკოლოგიის დოქტორი; 2004 წლიდან "თანამედროვე მუსიკის ფესტივალის "საქ-Art-ველო"-ს ერთ-ერთი დამაარსებელი; 2013 წლიდან "თანამედროვე პროფესიული მუსიკის ხელოვნების განვითარების ცენტრის" ერთ-ერთი დამაარსებელი და თანადირექტორი; 2013 წლიდან ფესტივალის "ქალი და მუსიკა" ერთ-ერთი დამაარსებელი; თხზულებები: ვოკალურ-ინსტრუმენტული - რომანსები სოპრანოსა და ფორტეპიანოსათვის, რომანსი "ჯოჯოხეთის სიმღერა" ტენორის, ფორტეპიანოსა და დასარტყამი საკრავისათვის (2011); საგუნდო ნაწარმოებები - პოემა "საქართველოს ცაო" a cappella(1990), "უთქვამს ილიას" შერეული გუნდისათვის (1996), "Alma Mater" მცირე კანტატა შერეული კამერული გუნდისათვის a cappella (2001), "ღვთისმშობლის სადიდებელი" შერეული გუნდისათვის a cappella (2002); ვარიაციები სიმებიანი ორკესტრისათვის (1998), ტრიპტიქი სოპრანოსა და სიმფონიური ორკესტრისათვის "Quasi Passacaglia" (2006), "ლიტურგიკული სიმფონია" (2010); საფორტეპიანო ნაწარმოებები - საკონცერტო პიესა (1996), სონატა 4 ნაწილად (1996), "Maestozo" (1999), "Millennium" (2000); კამერული მუსიკა - "იდუმალება"-1 ინსტრუმენტული ანსამბლისათვის, "იდუმალება"-2 კლარნეტისა და ფორტეპიანოსათვის (1999), "მოგონება" საქსაფონების კვარტეტისათვის (2002), "Perpetuo" სოლო ვიოლინოსა და ინსტრუმენტული ანსამბლისათვის (2007-2008); გასტროლებით იმოგზაურა: აზერბაიჯანი, გერმანია, უკრაინა, მაკედონია, ნიდერლანდები, შვეიცარია.

სადოქტორო დისერტაციის თემა - "ალეატორიკა ახალ ქართულ პროფესიულ მუსიკაში (ნ. მამისაშვილის, რ. კიკნაძისა და ე. ჭაბაშვილის ნაწარმოებების მაგალითზე)", დაიცვა 2010 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 178

• საქართველოს ახალგაზრდა კომპოზიტორთა და მუსიკისმცოდნეთა ასოციაცია , ერთ-ერთი დამაარსებელი (1998-)
• საქართველოს კომპოზიტორთა კავშირი, წევრი

• 2014 - სანქტ-პეტერბურგის კონკურსი "საგუნდო ლაბორატორია XXI საუკუნე", II პრემია
• 2014 - სანქტ-პეტერბურგის კონკურსი "საგუნდო ლაბორატორია", ლაურეატი