ევგენი

დაბადების ადგილი: ქ. ტულა, რუსეთი.

დაამთავრა მოსკოვის სასულიერო აკადემია.

1834-1844წწ. საქართველოს ეგზარქოსი, მანამდე მინსკის ეპისკოპოსი; 1829 წელს აკურთხეს ეპისკოპოსად; საქართველოში ჩამოსვლისთანავე დაინტერესდა ქართული ეკლესიების, განსაკუთრებით უმნიშვნელოვანესი ისტორიული ტაძრების მდგომარეობით; მისი ინიციატივით შეკეთდა მცხეთის საპატრიარქო ტაძრის - სვეტიცხოვლის პერანგი, რისთვისაც 30000 მანეთზე მეტი გაიღო; მისივე გადაწყვეტილებით საქართველოს საეკლესიო ხაზინის ხარჯით სასულიერო სემინარიისთვის შეიძინეს ახალი, გაცილებით ფართო შენობა(ახლანდელი საქართველოს ხელოვნების მუზეუმი), სადაც იგი 1909 წლამდე იყო განთავსებული; 1837 წელს რუსეთის იმპერატორის ნიკოლოზ I-ის საქართველოში ჩამოსვლასთან დაკავშირებით "სანიტარიული" მიზნით მისი განკარგულებით შეთეთრდა საქართველოს ეკლესია-მონასტრები; 1844 წელს გადაიყვანეს ასტრახანის არქიეპისკოპოსად.

წყარო: საქართველო: ენციკლოპედია: ტ.2. - თბ., 2012. - გვ.548