გიორგი თადეევი

დაბადების ადგილი: სამხრეთ ოსეთის ასსრ.

დაამთავრა ცხინვალის პედაგოგიური ინსტიტუტი და ვ. სარაჯიშვილის სახელობის თბილისის სახელმწიფო კონსერვატორია(საგუნდო-სადირიჟორო).

სწავლობდა საქართველოს სამხრეთ ოსეთის სიმღერისა და ცეკვის ანსამბლთან არსებულ ქორეოგრაფიულ სტუდიაში; შემდეგ იყო ამ ანსამბლის წევრი, 1943-1966წწ. წამყვანი მოცეკვავე; 1948-1955წწ. ჯავის კულტურის სახლის რეჟისორი და სამხატვრო ხელმძღვანელი, ცხინვალის კულტურის სახლის დირექტორი, სიმღერისა და ცეკვის ანსამბლის ხელმძღვანელი; 1957 წლიდან საქართველოს ცეკვის სახელმწიფო ანსამბლის მოცეკვავე (ხელმძღვანელები ნ. რამიშვილი და ი. სუხიშვილი); მრავალი წელი  ეწეოდა პედაგოგიურ მოღვაწეობას ცხინვალის მუსიკალურ სასწავლებელში; შესრულებული ცეკვები: "სიმდი", "ხონგა-ქაფთი"; მისი დადგმები: "შრომის ცეკვა", "მხედრული", "ცეკვა ხმლებით"; ოსური და ქართული ცეკვების ვირტუოზული შემსრულებელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 190

• 1965 - საქართველოს სახალხო არტისტი
• 1959 - საქართველოს დამსახურებული არტისტი