ავთანდილ თათარაძე

დაბადების ადგილი: ქ. თბილისი.

დაამთავრა საქართველოს სახელმწიფო პოლიტექნიკური უნივერსიტეტი 1933 წელს.

იყო ჯ. ბაგრატიონის ცეკვის ანსამბლის წევრი; 1937-1955წწ. საქართველოს სიმღერისა და ცეკვის ანსამბლის წევრი; ქორეოგრაფიულ მოღვაწეთა კავშირის დაარსების ერთ-ერთი მოთავე; ქართული ცეკვის უძველესი ნიმუშების მომძიებელი, შემკრები, ჩამწერი, მკვლევარი; იწერდა აგრეთვე ტრადიციის, წესჩვეულებების, დღესასწაულების, თამაშობების ნიმუშებს; მისი დადგმული ცეკვები: "ქუდმარაობა", "იხინჭობა", "წართმევია", "კოხინჯრობა", "ბერიკაობა", "სახუმარო–სატრფიალო", "ფშაველ ქალთა ლხინი", "პატარა მწყემსები", "თამარ–დედოფალ", "კინტოური", "სვანური ფერხულების სიუიტა"; შექმნა ცეკვის ჩაწერის სისტემა; აღზარდა მრავალი მოცეკვავე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 191; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.102

• ეროვნული აკადემია, წევრი

• 1997 - ღირსების ორდენი
• საქართველოს ხელოვნების დამსახურებული მოღვაწე